У Ерэване аднавіліся акцыі пратэсту

Удзельнікі акцыі «Мой крок», арганізаванай на ініцыятыву дэпутата Нікола Пашыняна, пачалі чарговае шэсце.

Шэсце пачалося ў сёмым Норкскім масіве, яго ўдзельнікі рухаюцца ў кірунку да астатніх Норкскіх масіваў. Калона ідзе пад дажджом, пад гукі вувузелаў і сігналаў аўтамабіляў. Шэсце з боку вуліцы агароджваюць паліцыянты, не дазваляючы перакрыць рух, паведамляе News.am.

«Народная рэвалюцыя непазбежная», - абвясціў Нікол Пашынян. Перыядычна ён звяртаецца ў мегафон да жыхароў, заклікаючы далучыцца да шэсця. Некаторыя актывісты са сцягамі залезлі на дахі аўтамабіляў.

На пачатку акцыі да Пашыняна падышоў намеснік начальніка паліцыі Ерэвана Валерый Асіпян і нешта пачаў гаварыць. Мяркуючы з таго, што Пашынян у мегафон кажа пра свабоду правядзення сходу, Асіпян спрабуе яму сказаць аб недапушчальнасці правядзення акцыі.

«Сітуацыя выходзіць з-пад кантролю», - чутныя словы Асіпяна.

«Парушаюцца канстытуцыйныя правы грамадзян», - павучае Асіпян. Ягоныя словы тонуць у шуме вувузелаў і сігналаў аўтамабіляў.

Удзельнікі шэсця паспрабавалі блакаваць рух, у адказ паліцыянты сілай вярнулі дэманстрантаў на ходнікі.

З улікам абцяжарання далейшага прасоўвання праз дзеянні паліцыі Нікол Пашынян заклікаў прыхільнікаў сабрацца ў шостым Норкскім масіве.