Сем спосабаў справіцца са стрэсам і ціскам без лекаў

Супрацоўнікі Гарвардскай медыцынскай школы падрыхтавалі адмысловы даклад пад назвай «Кантралюй свой артэрыяльны ціск».

У ім прыведзены парады для нармалізацыі артэрыяльнага ціску і абароны ад гіпертаніі, а таксама для зніжэння ўзроўню стрэсу, піша medikforum.ru.

Спецыялісты перакананыя, што пэўная стратэгія паводзін дапамагае даўжэй захаваць сасуды здаровымі і адтэрмінаваць пачатак рэгулярнага прыёму гіпатэнзіўных прэпаратаў. З іх слоў, абароненасць чалавека ад уплыву стрэсаў робіць яго абароненым і ад цяжкіх наступстваў гіпертаніі.

«Упраўленне стрэсам - адзін з асноўных спосабаў прафілактыкі артэрыяльнай гіпертаніі, які часта застаецца па-за фокусам нашай увагі», - заявілі Гарвардскія навукоўцы на старонках выдання Harvard Health Pablishing.

Абарону ад стрэсу, згодна з іх высновамі, забяспечваюць сем крокаў.

1. Якасны сон. Дэфіцыт сну ці яго дрэнная якасць уплывае на разумовую актыўнасць і фізічную кандыцыю.

2. Рэлаксацыя. Неабходна асвойваць тэхнікі медытацыі, аўтатрэнінгу, дыхальных практыкаванняў і іншыя методыкі, якія дапамагаюць справіцца са стрэсам.

3. Сацыяльныя сувязі. Вельмі важна падтрымліваць кантакты з іншымі людзьмі, знаходзіць аднадумцаў, тых, хто падзяляе аналагічнае хобі і іншыя інтарэсы.

4. Планаванне. Размеркаванне свайго часу і звычка загадзя планаваць мерапрыемствы дазваляе больш паспяваць, зніжаючы тым самым узровень стрэсу.

5. Зносіны. Калі зносіны прыносяць негатыўныя эмоцыі, уключацца ў іх не варта. Самому чалавеку трэба не замоўчваць праблемы, не хаваць іх углыб, а гаварыць пра іх, прызвычаіцца да абмеркавання праблемы, а не выказвання прэтэнзій.

6. Маленькія радасці. Трэба ўмець атрымліваць задавальненне ад розных дробязяў паўсядзённага жыцця. Ва ўласнае жыццё карысна ўводзіць больш такіх прыемных момантаў, як гатаванне смачнай ежы, прагулкі на свежым паветры, праслухоўванне ўлюбёнай музыкі.

7. Дапамога. Не трэба саромецца прасіць пра дапамогу, калі адчуваеце, што ў сітуацыі стрэсу вы не спраўляецеся ўласнымі сіламі.