Том Лі: Да канца года кошт біткойна вырасце да $25 тысяч
3- 21.05.2018, 15:07
- 8,557
Рост крыптавалютнай індустрыі залежыць ад трох фактараў.
Сузаснавальнік і кіраўнік даследчага цэнтра ў Fundstrat Global Advisors, Том Лі прызнаў, што ягоны прагноз з нагоды росту кошту біткойна пасля канферэнцыі Consensus не апраўдаўся, піша altcoin.info.
Як паведамляе Bloomberg, Лі сцвярджае, што крыптавалютны рынак па-ранейшаму «сутыкаецца са значным унутраным супрацівам і перашкодамі з боку традыцыйных фінансавых інстытутаў».
Нагадаем, што пасля таго, як перадапошні прагноз, наконт росту кошту біткойна пасля апошняга тэрміну здачы падатковых дэкларацый у ЗША, апраўдаўся, Том Лі зрабіў яшчэ адзін, у якім сцвярджаў, што кошт крыптавалюты нумар адзін пойдзе ўверх пасля самай маштабнай падзеі ў крыптавалютным свеце - канферэнцыі Consensus 2018:
Мы чакаем, што BTC і іншыя крыптавалюты будуць весці сябе таксама, як у папярэднія гады, калі кошт на іх пачынаў расці яшчэ падчас канферэнцыі, а рост прадаўжаўся нават пасля яе заканчэння.
У сваёй справаздачы для сваіх кліентаў у пятніцу Том Лі патлумачыў, што ягоны прагноз засноўваўся на такіх фактарах, як збор крыптавалютнай супольнасці «ў адным месцы», а таксама «значны рост наведвальнасці гэтага мерапрыемства сёлета». Том чакаў, што гэтыя фактары пазітыўна адаб'юцца на коштах на крыптавалюты.
У сваім твіте 18 траўня Том Лі пацвердзіў факт, што крыптавалютныя рынкі замест росту ўпалі да 10 адсоткаў падчас правядзення канферэнцыі, хоць яна і налічвала 8700 удзельнікаў. Гэта ўтрая больш, чым летась.
CRYPTO: #Consensus2018 rally did not happen, very disappointing. What we needed was a trifecta of progress: (i) institutional custody/tools; (ii) buy-in by banks/investment managers; (iii) regulatory clarity (3 of 3 needed), but we got progress on (i) and (ii). Full text below pic.twitter.com/XcqNhgYgK7
— Thomas Lee (@fundstrat) 18 мая 2018 г.
Том Лі мяркуе, што рост крыптавалютнай індустрыі залежыць ад трох фактараў: інстытуцыйных інвестараў, падтрымкі з боку банкаў і яснасці ў рэгуляванні.
Крыптавалютны рынак па-ранейшаму сутыкаецца са значным унутраным супрацівам і перашкодамі з традыцыйных фінансавых інстытутаў... Але абнадзейвае, той факт, што менавіта фінансавыя інстытуты пачынаюць больш актыўна працаваць з гэтым рынкам.
Згодна з Bloomberg, Fundstrat па-ранейшаму чакае, што да канца гэтага года кошт біткойна дасягне 25.000 даляраў ЗША. Раней у гэтым месяцы Том Лі прадказаў, што біткойн будзе каштаваць 36.000 даляраў ЗША да канца 2019 года.
