Упершыню ў гісторыі кіраўніком Нью-Йоркскай фондавай біржы стала жанчына

Цяперашні прэзідэнт біржы Томас Фарлі ўзначаліць кампанію ў мэтавых зліццях і паглынаннях.

Выканаўчая дырэктарка Нью-Ёркскай фондавай біржы (NYSE) Стэйсі Канінгем з 25 траўня зойме пасаду прэзідэнта NYSE. 22 траўня аб гэтым паведамляе The Wall Street Journal.

Прадстаўнік холдынгавай кампаніі NYSE Intercontinental Exchange Inc. заявіў выданню, што цяперашні прэзідэнт біржы Томас Фарлі, які займае пасаду з лістапада 2013 года, стане кіраўніком спецыялізаванай кампаніі ў мэтавых зліццях і паглынаннях.

Выданне адзначае, што за 226 гадоў існавання NYSE біржай ні разу не кіравала жанчына.

43-гадовая Канінгем працуе ў NYSE з 1994 года. У 2013-м яна стала кіраўніцай аддзела кіравання продажамі, а ў 2015-м - выканаўчай дырэктаркай біржы.

NYSE заснаваная 17 траўня 1792 года. Капіталізацыя рынку акцый біржы ў 2017 годзе склала $23 трлн.