Польшча гатовая інвеставаць $2 мільярды ў вайсковую базу ЗША
6- 28.05.2018, 10:13
- 8,218
Афіцыйная Варшава выступіла з ініцыятывай аб размяшчэнні на тэрыторыі Польшчы сталай вайсковай базы ЗША.
Дзеля гэтага польская ўлада гатовая інвеставаць у супольны праект 1,5-2 мільярда даляраў, паведамляе сайт тэлеканала 24tv.ua.
Паводле інфармацыі Мінабароны Польшчы, дакумент з назвай "Прапанова аб сталай прысутнасці ЗША ў Польшчы "была распрацаваная" ў рамках мерапрыемстваў, накіраваных на паглыбленне абароннага супрацоўніцтва з ЗША, уключаючы павелічэнне прысутнасці амерыканскіх войскаў Польшчы" ў 2018 годзе.
Гэты дакумент быў накіраваны ў Кангрэс ЗША, шэрагу ўрадавых структур і аналітычных цэнтраў, у тым ліку прадстаўнікам Атлантычнай рады (Atlantic council).
У дакуменце адзначаецца, што сталая прысутнасць у Польшчы дывізіі войскаў ЗША з'яўляецца "неабходнай для стрымлівання небяспечнай пазіцыі Расеі, якая ўзмацнілася і пагражае Еўропе".
У Варшаве адзначылі, што стварэнне сталай вайсковай базы ЗША ў Польшчы адпавядае інтарэсам не толькі польскай стараны, якая імкнецца гарантаваць сабе бяспеку ў святле "расейскай пагрозы", але і адпавядае Нацыянальнай абароннай дактрыне ЗША, якая "вызначае агрэсію Расеі як галоўную пагрозу для Злучаных Штатаў і глабальнай стабільнасці".
Аўтары дакумента паказваюць на ўсебаковую адпаведнасць краіны стандартам NАТА, бароняць неабходнасць стварэння вайсковай базы ў Польшчы. Сярод іншага ў дакуменце адзначаецца, што Польшча - адная з нямногіх краін, якая выдае на абаронныя патрэбы, у адпаведнасці з нормамі NАТА 2% ВУП. "З дапамогай сталай прысутнасці (амерыканскіх войскаў), разам ЗША і Польшча могуць стварыць моцны, ўстойлівы альянс", - адзначаецца ў паведамленні.
У сувязі з гэтым польская старана прапануе інвеставаць ад 1,5 да 2 мільярдаў даляраў у праект размяшчэння ў краіне бранятанкавай дывізіі ЗША. Гэтая сума павінна кампенсаваць значную частку сродкаў на стварэнне адпаведнай інфраструктуры і падтрымку боегатоўнасці злучэнняў. Акрамя таго, у карыстанне амерыканскім вайскоўцам можа быць перададзеная частка інфраструктуры, якая ўжо знаходзіцца ў распараджэнні Міністэрства абароны Польшчы.
У дадатку да дакумента размешчаны карты з указаннем магчымых месцаў размяшчэння базы, транспартных вузлоў і ўжо існых вайсковых аб'ектаў.