Цяпер Пуціна не выратуюць ніякія грошы

Сусветная супольнасць прызнае яго вайсковым злачынцам.

Выснова міжнароднай следчай групы аб тым, што комплекс «Бук», з якога ў 2014 годзе ў небе над Данбасам быў збіты Boeing MH17 малайзійскай авіялініі, быў дастаўлены з Расеі, наносіць яшчэ адзін удар па пазіцыях Уладзіміра Пуціна. Далей будзе пастанова суда, а кіраўніка РФ чакае лёс нябожчыка лівійскага дыктатара Муамара Кадафі. Пра гэта піша палітолаг і фінансіст Слава Рабіновіч на сайце «Апостроф».

Першае. А хто б сумняваўся? Другое. Следчая група - гэта не суд. Адпаведна, для надыходу рэальных наступстваў для Пуціна і яго АЗГ на гэтым этапе трэба пастанова суда. Вядома ж, такое развязанне абавязкова будзе. Але калі на пастанову суда ў Гаазе захочуць выдачы злачынцаў, то Расея іх не выдасць.

Да гэтага моманту суд усталюе усіх злачынцаў. То бок, будзе ўстаноўленая поўная іерархія, пачынаючы ад тых, хто націскаў кнопку або аддаваў загад, аж да міністра абароны і вярхоўнага галоўнакамандуючага РФ, а менавіта Пуціна. Адпаведна, калі суд гэта ўсё высветліць, то запатрабуе прыцягнуць усіх да адказнасці.

Расея, вядома ж, нікога не выдасць. Адпаведна, за невыкананне патрабаванняў суда на РФ будуць накладзеныя дадатковыя санкцыі, якія будуць вельмі жорсткімі.

Што да самога Пуціна, то пасля пастановы суда сітуацыя з ім будзе дастаткова моцна нагадваць сітуацыю з Муамарам Кадафі, у якога быў свой Boeing (гаворка ідзе пра дачыненне Кадафі да выбуху Boeing 747 над Локербі ў 1988 годзе, - заўв.) і у якога таксама былі наступствы. Я пра гэта казаў і пісаў на працягу амаль чатырох гадоў пасля таго, як збілі MH17: гэта справа проста так не скончыцца, а вінаватыя будуць пакараныя, прыцягнуты да адказнасці, будзе патрабаванне аб іх экстрадыцыі.

Пуціну і яго АЗГ ні за якія грошы не атрымаецца пазбегнуць пакарання, спыніць следства і пастанову суда. Няма такіх грошай у свеце, якія маглі б купіць такога роду пастанову, якая вызваліць іх ад адказнасці.

Сённяшняя навіна пра «бук» у нейкай меры з'яўляецца гістарычнай, але яна не будзе доўга згадвацца. Бо для таго, каб наступілі імгненныя наступствы, высноў следчай групы недастаткова. Але пасля таго, што было заяўлена следчай групай, пастанова суда з'яўляецца справай часу і тэхнікі.

У Крамля ж няма іншага выбару, як прапускаць гэтую інфармацыю міма вушэй. Яны выдатна разумеюць, што сітуацыя вельмі дрэнная, але ў іх няма іншага выбару, акрамя як працягваць усё адмаўляць. Яны даўным-даўно абралі адзіную магчымую для сябе тактыку - усё адмаўляць. Іншай тактыкі ў іх быць не можа, а стратэгіі ў іх па вызначэнні ніколі не было.

Але Пуцін ідзе ў правільным кірунку. Ён ужо прайшоў вялікі шлях, і цяпер сусветная супольнасць прызнае яго міжнародным тэрарыстам і вайсковым злачынцам яшчэ па адным эпізодзе сярод многіх, якія па сукупнасці кажуць пра тое, што ён - міжнародны тэрарыст і вайсковы злачынца.

Расейскае насельніцтва пры гэтым будзе працягваць глядзець тэлевізар, але з цягам часу будзе ўсё больш павышацца ступень пранікнення інфармацыі праз інтэрнэт, а ў тэлевізіі гэтая ступень будзе паніжацца.