У Беларусі малаказавод зліў у каналізацыю тварожную сыроватку на $45 тысяч

На самім прадпрыемстве пакуль не каментуюць сітуацыю.

Супрацоўнікі Камітэта дзяржкантролю Гарадзенскай вобласці праверылі дакументы фінансава-гаспадарчай дзейнасці аднаго з СВК Гарадзенскай вобласці і ААТ «Малочны свет». Пры супастаўленні дакументаў высветлілася, што СВК адпраўляў тварожную сыроватку на завод. Апошні не змог пацвердзіць выдаткі на транспарціроўку сыравіны ніякімі дакументамі, паведамляе kp.by.

- Аператыўнікамі было ўстаноўлена, што за перыяд са студзеня 2015 года да траўня 2017 года не пацверджаная транспартаванне і спісанне з ААТ у СВК больш за 19 тысяч тон тварожыстай сыроваткі на суму звыш 90 тысяч рублёў, - распавялі ў кіраванні дэпартамента фінансавых расследаванняў Камітэта дзяржкантролю Гарадзенскай вобласці. - Апытаныя работнікі цэха натуральнамалочнай прадукцыі ўказалі, што непрададзеную тварожыстую сыроватку яны, на ўказанне кіраўніцтва, злівалі ў начны час у каналізацыю, а з мэтай спісання яе з уліку афармлялі беставарныя накладныя на адрас СВК.

Як тлумачаць у Дзяржкантролі, усё гэта адбывалася на фоне няпоўнай загрузкі малакаперапрацоўчых прадпрыемстваў Гарадзенскага і найбліжэйшых рэгіёнаў. Гэта значыць сыроватку цалкам можна было адправіць на перапрацоўку. Шкода прадпрыемству была нанесеная сумаю больш за 90 тысяч рублёў (ці 45 тысяч даляраў).

У дачыненні да кіраўніка аднаго з цэхаў прадпрыемства, які і аддаваў загад зліваць сыроватку ў каналізацыю, распачатая крымінальная справа паводле часткі 3 артыкула 426 КК Рэспублікі Беларусь за перавышэнне ўлады або службовых паўнамоцтваў. Пагражае за гэта пазбаўленне волі да 10 гадоў з канфіскацыяй маёмасці.

Следства па крымінальнай справе яшчэ працягваецца. На самім прадпрыемстве сітуацыю практычна не каментуюць.

- Злівалі сыроватку? Ну, гэта гучна сказана... За каментарамі патэлефануйце ў канцы тыдня, - сказалі ў кіраўніцтве прадпрыемства.

У Камітэце сельскай гаспадарцы і харчавання Гарадзенскага аблвыканкама таксама не пракаментавалі сітуацыю.

- Тое, што там праводзіцца расследаванне, мы ў курсе. Пра тое, што злівалася тварожная сыроватка, нічога не ведаем, - растлумачылі мясцовыя чыноўнікі.