Надвор'е на нядзелю: моцныя дажджы і навальніцы
- 23.06.2018, 11:53
- 11,173
Ліўні пройдуць на большай частцы тэрыторыі Беларусі.
Моцныя дажджы і навальніцы чакаюцца ў некаторых раёнах Беларусі 24 чэрвеня, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
У нядзелю будзе воблачна з прасвятленнямі. На большай частцы тэрыторыі прагназуюцца дажджы, у некаторых раёнах - моцныя. Удзень месцамі магчымыя навальніцы.
Вецер будзе заходняй чвэрці сярэдні, пры навальніцах парывісты. Тэмпература паветра ўначы і раніцай складзе 7-12 цяпла. У другой палове дня чакаецца ад плюс 12 на поўначы і да 21 градуса вышэй за нуль у паўднёвых раёнах.