Парламент Грузіі зацвердзіў новы склад урада
- 15.07.2018, 12:55
- 5,878
За вотум даверу ўраду Мамукі Бахтадзе прагаласаваў 101 дэпутат.
Грузінскі парламент, абсалютнай большасцю галасоў, выказаў «вотум даверу» прэм'ер-міністру Мамуке Бахтадзе і абноўленаму складу ўрада на пасяджэнні, якое завяршылася пасля поўначы. Кіраўнік кабінета міністраў назваў прыярытэтам мірнае аб'яднанне краіны, паглыбленне эканамічных рэформаў і інтэграцыю ў Еўраатлантычныя структуры, паведамляе svoboda.org.
За вотум даверу новаму ўраду Мамукі Бахтадзе прагаласавалі 101 дэпутат. Супраць - 12. Зацвярджэнне кабінета міністраў стала вынікам шматдзённых дэбатаў і слуханняў у парламенцкіх фракцыях. Зрэшты, вынік быў прадвызначаны, бо кіруючая партыя «Грузінская мара» мільярдэра Бідзіна Іванішвілі кантралюе ў заканадаўчым органе больш за тры чвэрці дэпутацкіх мандатаў.
Выступаючы перад сябрамі парламента, 36 гадовы прэм'ер, Мамука Бахтадзе абяцаў стварыць «Еўрапейскую дзяржаву для мірнага суіснавання з абхазскімі і асецінскімі суграмадзянамі». Ён выказаў гатоўнасць канструктыўна супрацоўнічаць з усімі палітычнымі і грамадскімі сіламі для развязання «надпартыйнай задачы аб'яднання краіны». Сярод іншых прыярытэтаў старшыня ўрада назваў інтэграцыю ў Еўраатлантычныя структуры, пераадоленне беднасці і карэнную рэформу сістэмы асветы.
У новым складзе ўрада Грузіі 11 міністэрскіх партфеляў. У папярэднім ўрадзе Георгія Квірыкашвілі было 14 міністэрстваў. Колькасць ведамстваў скарочаная на прапанову прэм'ера, які выступіў за стварэнне «малога ўрада» і памяншэнне дзяржаўных выдаткаў. Большасць міністраў, у тым ліку міністры «сілавога блока» - якія карыстаюцца даверам лідара кіруючай партыі Бідзіна Іванішвілі, - захавалі пасады.