Берасцейскае «Дынама»: Сапраўды, мы расстаёмся з Мілеўскім, Гаўрыловічам і Савіцкім
1- 19.07.2018, 12:13
- 9,933
Чуткі аб сыходзе з клуба вядучых футбалістаў пацвердзіліся.
Прэс-сакратарка берасцейскага «Дынама» Вольга Хіжынкова пацвердзіла «Прессболу» інфармацыю аб расставанні клуба з Арцёмам Мілеўскім і Аляксеем Гаўрыловічам і паведаміла, што Павел Савіцкі таксама неўзабаве пакіне Берасце.
«Сапраўды, ФК «Дынама-Брэст» растаецца з Арцёмам Мілеўскім і Аляксеем Гаўрыловічам. Павел Савіцкі таксама неўзабаве пакіне каманду. Ён пераведзены на індывідуальны рэжым трэніровак і ў заяўку не трапляе. Улічваючы трансферны кошт гэтага гульца, прынятая пастанова аб яго продажы.
Прычыны, з якіх «Дынама-Брэст» развітваецца з гэтымі гульцамі, клуб не выдае. Расстаёмся цывілізавана і спадзяемся, што гэтыя футбалісты са сваёй кваліфікацыяй знойдуць годныя варыянты працы», - адзначыла Хіжынкова.