«Калі б Пуцін быў у сваім палацы, яму давялося б скарыстацца правілам дзвюх сцен»

Экспэрт - аб нападзе беспілотнікаў на поўдні РФ.

Траекторыя палёту беспілотнікаў падчас масаванай атакі на аб'екты ў Краснадарскім краі Расеі пралягала паблізу рэзідэнцыі расейскага дыктатара на беразе Чорнага мора каля Геленджыка, якую называюць "палацам Пуціна".

Пра гэта ў эфіры тэлеканала FREEДОМ сказаў ваенны аналітык, супрацоўнік СБУ (2004-2015 гг.) Іван Ступак.

Ён адзначыў, што атака сапраўды была масаванай. Апублікаваныя мясцовымі жыхарамі відэакадры сведчаць аб тым, што на Новарасійск, напрыклад, беспілотнікі ішлі з прамежкам 10 секунд. Ляцелі вельмі хутка і вельмі нізка. А збіваць іх спрабавалі са стралковай зброі.

- Хутчэй за ўсё, як мінімум палова даляцела. І ў Новарасійскі порт - пакуль не бачылі канкрэтныя пашкоджанні, але там выбухі ёсць, не ведаем, куды менавіта прыляцела, не будзем хлусіць. Пераходзім у Туапсэ. Туапсэ - гэта адзіны нафтаперапрацоўчы комплекс на Чорным моры ў РФ, які ўваходзіць у топ-12 найбуйнейшых нафтаперапрацоўчых прадпрыемстваў РФ. Ён пастаўляў паліва ў Кітай, Сінгапур, Малайзію і яшчэ шэраг краін. Цяпер, як мы бачым, ён не працуе. Ён у студзені 2024 года быў пашкоджаны. На пачатку траўня нібы зноў запусціўся, цяпер зноў туды прыляцела, – каментуе Ступак.

Але значна цікавейшым ён называе іншы аб'ект, паблізу якога ляцелі беспілотнікі.

На гэтым адрэзку ад Новарасійска да Туапсэ знаходзіцца вельмі цікавы аб'ект. Гэта ў раёне Геленджыка, 18 кіламетраў ад Геленджыка, роўна пасярэдзіне знаходзіцца «палац» дыктатара Пуціна, пра якога расейскія расследавальнікі, па-мойму, здымалі фільм. Уявіце сабе, што гэтыя беспілотнікі і праляталі ў непасрэднай блізкасці ад гэтага «палаца Пуціна» — ад месца, якое, па ідэі, абаронена ўсімі мажлівымі і неймавернымі сродкамі супрацьпаветранай абароны.

І я мяркую, што калі б «палац» быў бы скончаны, там пражываў дыктатар, і калі б ён не знаходзіўся ў выправе, то яму, напэўна, давялося б пачуць гэтыя беспілотнікі, як яны ляцяць, і скарыстацца правілам дзвюх сцен, - сказаў Іван Ступак.