Freedom House: Cамыя свабодныя краіны ў свеце - Фінляндыя, Швэцыя і Нарвегія
1- 19.07.2018, 15:54
- 8,423
Усе тры краіны набралі максімальны бал.
Фінляндыя, Швэцыя і Нарвегія ўзначалілі рэйтынг свабоды краін «Свабода ў свеце - 2018», складзены праваабарончай арганізацыяй Freedom House. Усе тры краіны набралі максімальны бал (100), як і год таму, піша «Европульс».
У першай пяцёрцы Нідэрланды, а таксама Канада і Аўстралія.
Індэкс «Свабода ў свеце» ацэньвае палітычныя правы і грамадзянскія свабоды. Усе краіны падзеленыя на 3 катэгорыі: «свабодныя» - іх у сёлета 45%, у тым ліку ўсе краіны ЕЗ; «Часткова свабодныя», якіх выявілася 30%, і «несвабодныя» - іх 25%. Расея патрапіла ў групу «несвабодных» краінаў, набраўшы ўсяго 20 балаў; столькі ж набралі В'етнам і Конга.
Складальнікі адзначаюць, што цяпер для свабоды не найлепшыя часы: з 195 краін рэйтынгу 71 пагоршыла свае пазіцыі за апошнія 10 гадоў і толькі 35 краін палепшылі паказчыкі. Агулам узровень свабоды ў свеце апошнія 12 гадоў зніжаецца.