Відэахіт: У Менску над ракой лётаў чалавек

Незвычайныя кадры былі зробленыя ў раёне будынка «Не-Кемпінскі».

У пятніцу ўдзень наш фотакарэспандэнт CityDog.by сфатаграфаваў дзіўнае: над Свіслаччу ў раёне будынка «Не-Кемпінскі» над вадой лунаў чалавек – без крылаў, але з флайбордам.

У МНС CityDog.by апавялі, што гэта рэпетыцыя аднаго з эпізодаў свята ў гонар 165-годдзя пажарнай службы Беларусі 21 ліпеня ў парку Горкага. У МНС флайборд не выкарыстоўваюць у звычайнай працы, але надумалі ўключыць яго ў воднае шоу для ўзмацнення відовішчнасці.