Еўрапарламент замарозіў датацыі партыі Марын Ле Пэн
- 22.07.2018, 16:15
- 7,291
Французскі палітык Марын Ле Пэн знаходзіцца пад следствам.
Еўрапарламент замарозіў датацыі партыі французскага палітыка Марын Ле Пэн "Нацыянальны фронт". Гэта звязана з падазрэннямі аб незаконным іх выкарыстанні, паведамляе gordonua.com са спасылкай на Journal du dimanche.
Са звестак выдання, абмежаванні ўведзеныя на час судовага следства.
Адзначым, што нядаўна Еўрапейскі суд юстыцыі абавязаў Марын Ле Пэн вярнуць Еўрапарламенту € 300 тысяч, якія яна выдаткавала з фондаў на заробак сваёй памочніцы.
Паводле вынікаў апытанняў, праведзеных даследчым цэнтрам Kantar Sofres-OnePoint ў сакавіку 2017 года, 58% французаў назвалі "Нацыянальны фронт" пагрозай для дэмакратыі.
