Менскае «Дынама» ўклала кантракт з абаронцам каманды Грузіі
- 23.07.2018, 20:20
- 6,880
Шэрагі менскага «Дынама» папоўніў Георгій Навалоўскі.
Шэрагі менскага "Дынама" папоўніў 32-гадовы абаронца з Грузіі - Георгій Навалоўскі, паведамляе афіцыйны сайт сталічнага клуба.
Выхаванец тбіліскага "Дынама" за сваю дастаткова працяглую кар'еру паспеў пагуляць за клубы з Грузіі, Азербайджана, Грэцыі і Расеі. Таксама Георгій з'яўляецца футбалістам нацыянальнай каманды Грузіі.
У сэзоне 2017/2018 Навалоўскі выступаў за расейскі "СКА-Хабараўск" і ўзяў удзел у 22-х матчах.