Кіраўнік Каталоніі: Мы будзем ісці ў атаку на несправядлівую краіну

Кім Тора выступіў на мітынгу каля гішпанскай турмы.

Кіраўнік урада Каталоніі Кім Тора паабяцаў актыўна змагацца з Гішпаніяй. Адпаведную заяву рэгіянальны лідар зрабіў у пятніцу, паведамляе карпарацыя Radio y Television Espanola (пераклад - tass.ru).

Тора ўзяў удзел у мітынгу ля каталонскай турмы, куды на час судовых разглядаў паводле справы, звязанай з сепаратысцкім працэсам, змешчаны былы дарадца ва ўнутраных справах пры ўрадзе аўтаноміі Жаакім Форн. Акт быў прымеркаваны да першай гадавіны тэракту ў Каталоніі, які быў учынены 17 жніўня мінулага года. У прысутнасці аднадумцаў Тора запэўніў, што прыхільнікі незалежнасці рэгіёна не спыняцца датуль, пакуль каталонскі народ не здабудзе волю. «Мы не будзем абараняцца, мы будзем ісці ў атаку на гэту несправядлівую [гішпанскую] дзяржаву», - адзначыў кіраўнік урада аўтаноміі.

Тора таксама заклікаў «аднавіць грамадзянскія і палітычныя правы» ў Каталоніі.

У рэгіёне ў пятніцу прайшлі розныя мерапрыемствы і мітынгі ў памяць ахвяраў тэракту. Нягледзячы на шматлікія заклікі не палітызаваць акты, розныя рухі ўсё ж вызначылі арганізаваць акцыі, якія маюць пад сабой палітычную падаплёку.