Луцэнка: У справе Шарамета з'явілася «нітачка»

Новая інфармацыя можа вывесці следства на выканаўцаў і замоўцу.

У справе аб забойстве журналіста Паўла Шарамета з'явілася інфармацыя, якая можа вывесці на выканаўцаў і замоўцаў. Пра гэта ў інтэрв'ю "Украінскай праўдзе" распавёў генпракурор Юрый Луцэнка.

Паводле ягоных слоў, апошні месяц у следства з'явілася "нітачка", якая можа прывесці да адказу, хто забіў Шарамета.

"Ідуць вельмі актыўныя следчыя дзеянні... у гэтай справе няма падазраваных. Але я не магу ў інтарэсах следства казаць больш. У нас цяпер ёсць інфармацыя, якая магчыма выведзе нас як мінімум на выканаўцаў, а затым і на замоўцаў. Але магчыма. Падкрэсліваю гэтае слова", - дадаў генпракурор.

Ён таксама патлумачыў, чаму следства не перакваліфікуе забойства Шарамета ў тэрарыстычны акт.

"Яны мяркуюць, што выбуховае прыстасаванне было закладзеная так, каб забіць толькі аднаго чалавека... Калі выбуховае прыстасаванне накіраванае на кіроўцу і нават тэарэтычна не можа ўразіць навакольных, пракуроры і следчы мяркуюць, што гэта не тэрарызм. Так іх вучылі", - падкрэсліў Луцэнка.

Нагадаем, Павел Шарамет загінуў 20 ліпеня 2016 года ў выніку выбуху яго аўтамабіля ў цэнтры Кіева. У Генпракуратуры загубу журналіста назвалі забойствам.

Нягледзячы на наяўнасць відэазапісаў з выканаўцамі забойства журналіста, праваахоўнікі кажуць, што ў іх недастаткова довадаў для раскрыцця справы.

А ў паліцыі заявілі, што следства выявіла чалавека, які можа быць датычны да забойства Шарамета, але яго яшчэ трэба ідэнтыфікаваць.