ЗША павялічаць колькасць вайскоўцаў у Нямеччыне
- 7.09.2018, 21:16
- 8,578
Цяпер у ФРГ дыслакаваныя блізу 33 тысяч амерыканскіх вайскоўцаў.
ЗША павялічаць свой воінскі кантынгент у Нямеччыне на 1500 чалавек. Гэта робіцца з мэтай «умацавання NATO і еўрапейскай бяспекі», - заявіў у пятніцу, 7 верасня, амбасадар ЗША ў ФРГ Рычард Грэнел, паведамляе DW.
З ягоных слоў, дадатковыя салдаты пачнуць прыбываць у гэтым годзе, і працэс будзе доўжыцца да 2020 года.
Міністр абароны ФРГ Урсула фон дэр Ляен вітала гэтае рашэнне Вашынгтона, якое сведчыць пра «жыццяздольнасць трансатлантычных стасункаў» і ўкладзе ў «падтрыманне агульнай бяспекі».
Цяпер у Нямеччыне знаходзіцца блізу 33 тысяч амерыканскіх вайскоўцаў. Дадатковыя сілы, як паведамляе агенцтва dpa, будуць размешчаныя ў амерыканскіх гарнізонах у федэральных землях Баварыя і Рэйнланд-Пфальц.