Кіроўчы блок і апазіцыя ідуць амаль нароўні на выбарах у парламент Швэцыі

Апублікаваныя вынікі экзіт-полу.

Альянс правацэнтрысцкіх партый лідаруе на парламенцкіх выбарах у Швэцыі з невялікім адрывам ад кіроўчага чырвона-зялёнага блоку, паведамляе gazeta.ru са спасылкай на вынікі экзіт-полу швэдскага тэлебачання, апублікаваныя пасля закрыцця выбарчых участкаў.

Сярод прыхільнікаў Альянсу – 39,6% выбарнікаў. Перавагу кіроўчаму чырвона-зялёнаму блоку аддалі 39,4%.

У правацэнтрысцкі Альянс уваходзяць чатыры партыі – ліберальна-кансерватыўная умераная кааліцыйная (Модератэрна), партыя цэнтра, партыя лібералаў і хрысціянскія дэмакраты.

У блоку чырвона-зялёных тры партыі – сацыял-дэмакраты, партыя зялёных і левая партыя.

У аднапалатным швэдскім парламенце 349 дэпутатаў, якія выбіраюцца на чатыры гады. Паводле вынікаў апошніх выбараў 2014 года ў Швэцыі быў сфармаваны ўрад меншасці з удзелам сацыял-дэмакратаў і зялёных.