Палякі сабралі $4,2 мільёна на дабрачыннасць у памяць аб мэры Гданьска

Арганізатары акцыі не чакалі такога поспеху.

Карыстачка Facebook Патрыцыя Кшымінская выступіла з ініцыятывай сабраць сродкі на карысць дабрачыннай арганізацыі WOSP, назваўшы акцыю «напоўніць апошнюю бляшанку» забітага мэра Гданьска Паўла Адамовіча, паведамляе RMF. У выніку добраахвотных ахвяраванняў сабралі амаль 16 млн злотых ($4,2 мільёна).

Арганізатары не чакалі такога поспеху акцыі.

Нагадаем, 13 траўня Паўла Адамовіча шпіталізавалі ў цяжкім стане пасля таго, як 27-гадовы мужчына напаў на яго з нажом на сцэне падчас дабрачыннага канцэрту, які праходзіў у польскім Гданьску.

Мужчына выбег проста на сцэну, дзе ў гэты час знаходзіўся Адамовіч і некалькі разоў ударыў мэра нажом. Мэра адвезлі ў клінічную лякарню медыцынскага ўніверсітэта Гданьска ў крытычным стане. Высветлілася, што нападнік трапіў нажом у сэрца.

Нападнік пакутаваў на псіхічны разлад. Пра гэта 14 студзеня журналістам распавёў намеснік кіраўніка міністэрства ўнутраных спраў Польшчы Яраслаў Зялінскі.

«Мясцовы начальнік паліцыі Гданьска паведаміў мне, што ў нападніка быў дыягнаставаны псіхічны разлад», - адзначыў ён.

Зялінскі дадаў, што зламысніка будуць аглядаць два экспэрты-псіхіятры, каб высветліць, пакутаваў ён на псіхічны разлад падчас здарэння і ці была ў яго здольнасць распазнаваць сэнс ягоных дзеянняў.

Мужчына ўжо прыцягваўся да крымінальнай адказнасці, зрэшты, за рабаванні.

Лекары змагаліся за жыццё польскага палітыка ўсю ноч. Паўлу Адамовічу было 54 гады. Ён займаў пасаду мэра Гданьска 20 гадоў.