Аперацыя ў Сірыі: Турцыя панесла першыя страты
2- 11.10.2019, 12:07
- 14,930
Міністэрства абароны краіны афіцыйна іх пацвердзіла.
Міністэрства абароны Турцыі паведаміла, што ў ходзе ваеннай аперацыі на паўночным усходзе Сірыі загінуў першы вайсковец турэцкай арміі.
Пра гэта гаворыцца ў паведамленні ў Twitter турэцкай абароннай установы, піша nv.ua.
— T.C. Millî Savunma Bakanlığı (@tcsavunma) October 11, 2019
Паводле звестак Мінабароны, вайсковец загінуў 10 кастрычніка ў ходзе сутыкнення з баевікамі Працоўнай партыі Курдыстана – Сілаў самаабароны сірыйскіх курдаў (РПК-YPG), якіх турэцкія ўлады ўважаюць тэрарыстамі.
Паводле звестак агенцтва Bloomberg, 9 кастрычніка турэцкія войскі ўвайшлі на тэрыторыю Сірыі ў раёне гарадоў Таль-Аб’яд і Рас-эль-Айн.
Пазней гэтую інфармацыю афіцыйна пацвердзіў і прэзідэнт Турцыі Рэджэп Эрдаган. У сувязі з гэтым аўтаномны ўрад сірыйскіх курдаў абвесціў трохдзённую ўсеагульную мабілізацыю.
На фоне падрыхтоўкі турэцкай арміі да наступу на курдаў у Сірыі кіраўнік Белага дому Дональд Трамп заявіў, што знішчыць эканоміку Турцыі, калі тая дазволіць сабе «недапушчальныя дзеянні».
ЗША раней запатрабавалі ад Эрдагана гарантаваць ненапад на іх курдскіх хаўруснікаў у кааліцыі супраць ІД пасля вываду амерыканскіх вайскоўцаў з Сірыі.
У адказ на гэта прэзідэнт Турцыі назваў «подлым паклёпам» заявы пра тое, што Анкара змагаецца з сірыйскімі курдамі.