У Беларусі падскочылі кошты бананаў, яблыкаў і паслуг адукацыі

Топ-10 тавараў і паслуг, якія падаражэлі.

Паводле інфармацыі Белстата, кошты тавараў і паслуг у верасні выраслі на 0,5%, паведамляе tut.by. Больш за ўсё ў мінулым месяцы падаражэлі нехарчовыя тавары - на 0,9%. Для параўнання: інфляцыя на прадукты харчавання склала ў верасні 0,1%, а на платныя паслугі - 0,6%.

Больш за ўсё ў верасні падаражэлі нехарчовыя тавары - на 0,9%. Кошты харчовых тавараў выраслі на 0,1%, паслуг - на 0,6%.

З пачатку году кошты харчовых тавараў выраслі на 2,2%, нехарчовых - на 3,2%, паслуг - на 5,8%. Гадавая інфляцыя (верасень да верасня) на харчовыя тавары склала 5,8%, на нехарчовыя тавары - 3,5%, на паслугі - 6,6%.

Пры гэтым у жніўні ў Беларусі была зафіксаваная дэфляцыя - гэта значыць, зніжэнне коштаў. Яна склала 0,2%.

Улады прагназуюць, што інфляцыя ў гэтым годзе павінна скласці не больш за 5% (снежань да снежня). За першы квартал рост коштаў не павінен перавысіць 2,7% да снежня 2018 года, другі - 3,5%, трэці - 3,7%, а ў канцы года - 5%. Пры гэтым у Беларусі растуць інфляцыйныя чаканні насельніцтва. Паводле звестак апытання Нацбанку, 82,3% рэспандэнтаў мяркуюць, што ў найбліжэйшыя 12 месяцаў кошты будуць расці хутчэй, чым цяпер, ці з такой жа хуткасцю.