17 кастрычнiка 2019, Чацвер, 14:44
Мы ў адной лодцы
Рубрыкі

СМІ звярнулі ўвагу на дзіўныя паводзіны Лукашэнкі ў Ерэване

119
СМІ звярнулі ўвагу на дзіўныя паводзіны Лукашэнкі ў Ерэване

Дыктатар спазніўся на сустрэчу, займаўся невядома чым і паляцеў датэрмінова.

1 кастрычніка ў Ерэване прайшоў саміт ЕАЭС. Лукашэнка прыляцеў напярэдадні вечарам. Дзякуючы онлайн-трансляцыі, якую вёў армянскі партал news.am, можна было разгледзець цырымонію сустрэчы ў аэрапорце ва ўсіх падрабязнасцях, піша kp.by.

СМІ адзначылі, што Лукашэнка спускаўся па трапу з вялікай цяжкасцю, што можа сведчыць пра праблемы са здароўем у дыктатара.

Разам з Лукашэнкам з аэрапорта ў машыне з'ехаў і амбасадар Беларусі ў Расеі, ён жа спецпрадстаўнік у пытаннях інтэграцыйнага супрацоўніцтва ў рамках «саюзнай дзяржавы» Уладзімір Сямашка. Картэж адправіўся на прыём да прэм'ер-міністра Арменіі Міколы Пашыняна:

– Добры дзень дарагі, – сказаў Лукашэнка, і на пытанне «як справы?» адказаў: – Нічога. Ляцім у Ерэван як дадому, чаго ты хвалюешся? У нас усё ў парадку.

Далей невялікая сустрэча, з традыцыйным абменам ветлівасцямі:

– Палітыка Беларусі ў адносінах да Арменіі ніколі не зменіцца, – запэўніў Лукашэнка.

– У нас дастаткова мудрасці, адвагі і волі ўсе пытанні развязаць так, каб сяброўства і братэрства паміж нашымі народамі і краінамі развіваліся, – адказаў прэм'ер Арменіі.

На наступны дзень, уласна, праходзіў сам саміт ЕАЭС. Пашынян сустракае ўсіх гасцей у холе сваёй рэзідэнцыі і праводзіць у залу. Потым – традыцыйная цырымонія фатаграфавання. Да абеду ў вузкім складзе сустрэліся прэзідэнты Беларусі, Казахстана, Кіргізіі, Расеі і прэм'ер-міністр Арменіі. Пасля кароткай уступнай прамовы Пашынян папрасіў журналістаў пакінуць залу перамоваў – такі фармат. Як паведаміла прэс-служба кіраўніка Беларусі, абмяркоўвалі пытанні эканамічнага ўзаемадзеяння, фінансавай палітыкі, энэргетыкі, асноўныя кірункі міжнароднай дзейнасці і развіццё супрацоўніцтва з трэцімі краінамі.

Пакуль гаспадар саміту выступаў з прывітальнай прамовай, Лукашэнка ў іншай частцы залы гутарыў з нейкай жанчынай

Пасля абеду да пяці кіраўнікоў дзяржаваў далучыліся прэзідэнт Малдовы, прэзідэнт Ірана і прэм'ер-міністр Сінгапура – у якасці ганаровых гасцей. Партал news.am паказваў сустрэчу ў прамым эфіры. Кіраўнікі дзяржаваў разам са сваімі суправаджальнікамі зайшлі ў залу і селі за круглы стол. За іх спінамі размесціліся чальцы дэлегацый. У «беларускім сектары» стаялі кіраўнік МЗС Уладзімір Макей і Уладзімір Сямашка. Аднак да моманту, калі гаспадар саміту Нікол Пашынян пачаў сваю прывітальную прамову, крэсла Лукашэнкі пуставала. На агульных планах трансляцыі відаць, што ў гэты час Лукашэнка стаіць у другім баку залы і гутарыць з нейкай жанчынай у бэжавым пінжаку.

ЛУКАШЭНКА ГУТАРЫЦЬ З ЖАНЧЫНАЙ (НА ФОТА СПРАВА), ПАШЫНЯН ВЫСТУПАЕ З ПРЫВІТАЛЬНЫМ СЛОВАМ (ЗЛЕВА). КРЭСЛА ПОБАЧ – ПУСТОЕ. КАДРЫ ПАРТАЛА NEWS.AM.

Пашынян на секунду перапыніў выступ і зірнуў на пустое крэсла злева ад сябе – менавіта перад гэтым крэслам стаяла шыльдачка «Рэспубліка Беларусь». Але прадоўжыў прамову. Праз некалькі секундаў Лукашэнка прайшоў да свайго месца. Але перад тым як яго заняць, падышоў на секунду да Сямашкі і Макея.

ЛУКАШЭНКА САДЗІЦЦА НА СВАЁ МЕСЦА, ХОЦЬ ПАШЫНЯН КАЖА СВАЮ ПРАМОВУ ЎЖО АМАЛЬ ПАЎТАРЫ ХВІЛІНЫ. КАДРЫ ПАРТАЛА NEWS.AM.
ВОТ ГЭТАЯ ЖАНЧЫНА БОЛЬШ БУЙНА. КАДРЫ ПРЭС-СЛУЖБЫ ПРЭМ'ЕР-МІНІСТРА АРМЕНІІ.

На цырымонію падпісання дакументаў Аляксандр Лукашэнка прыйшоў апошнім

Невялікая затрымка адбылася і падчас цырымоніі падпісання пагадненняў пра свабодны гандаль паміж дзяржавамі-чальцамі ЕАЭС і Сінгапурам. Пратакол такі: кіраўнікі дзяржаваў выстройваюцца ў другім шэрагу, а перад імі знаходзяцца прадстаўнікі, якія непасрэдна будуць падпісваць дакументы. Калі ўсе сталі, і ўсё было гатова, – не ставала толькі Лукашэнкі.

МЕСЦА АЛЯКСАНДРА ЛУКАШЭНКІ НА ЦЫРЫМОНІІ ПАДПІСАННЯ ПАГАДНЕННЯ ПУСТУЕ. КАДРЫ ПАРТАЛА NEWS.AM.

Зрэшты, літаральна праз 15 секундаў ён заняў сваё месца – і цырымонія пачалася. Пасля заканчэння цырымоніі ўсе ўдзельнікі сталі пляскаць, у гэты час Лукашэнка паспеў пагутарыць з прэзідэнтам Казахстана, які стаяў побач.

ПАСЛЯ ЗАКАНЧЭННЯ ЦЫРЫМОНІІ ЎСЕ ЎДЗЕЛЬНІКІ СТАЛІ ПЛЯСКАЦЬ, АЛЕ АЛЯКСАНДР ЛУКАШЭНКА Ў ГЭТЫ ЧАС ГУТАРЫЎ З ПРЭЗІДЭНТАМ КАЗАХСТАНА КАСЫМ-ЖОМАРТАМ ТАКАЕВЫМ. КАДРЫ ПАРТАЛА NEWS.AM.

На канферэнцыю па транзітнаму патэнцыялу Еўразійскага кантынента Лукашэнка не прыйшоў – паляцеў дадому.

У рамках саміту гасцей чакала яшчэ адно мерапрыемства – канферэнцыя пра транзітны патэнцыял Еўразійскага кантынента. Карэспандэнты «Камсамолкі» не ўбачылі там Лукашэнкі – месца ў першым шэрагу, дзе сядзелі ўсе запрошаныя ў Ерэван кіраўнікі дзяржаваў, пуставала.

КАРЭСПАНДЭНТ «КАМСАМОЛКІ» НЕ ПАБАЧЫЎ НА КАНФЕРЭНЦЫІ АЛЯКСАНДРА ЛУКАШЭНКІ – МЕСЦА Ў ПЕРШЫМ ШЭРАГУ, ДЗЕ СЯДЗЕЛІ ЎСЕ ЗАПРОШАНЫЯ Ў ЕРЭВАН КІРАЎНІКІ ДЗЯРЖАВАЎ, ПУСТАВАЛА. КАДРЫ ПАРТАЛА NEWS.AM.

Высветлілася, што Лукашэнка разам з дэлегацыяй пакінуў саміт ЕАЭС датэрмінова. Пакуль Нікол Пашынян выступаў на канферэнцыі з прамовай, Boeing-767 Лукашэнкі ўжо вылецеў у Менск (у 18.10 паводле менскага часу – за 15 хвілінаў да заканчэння канферэнцыі). Прычыны такога хуткага адлёту беларускай дэлегацыі пакуль невядомыя.

УСЕ РАЗАМ АДПРАВІЛІСЯ НА ШЫКОЎНЫХ VIP-МІКРААЎТОБУСАХ – З НЕОНАВАЙ ПАДСВЕТКАЙ І З АРМЯНСКІМ НУМАРАМ. КАДРЫ ПАРТАЛА NEWS.AM.
СЭЛФІ Ў МІКРААЎТОБУСЕ. ФОТА З ТВІТЭРА МІКОЛА ПАШЫНЯНА.