У Палтаўскай вобласці разбіўся гелікаптэр

Загінуў экс-міністр аграрнай палітыкі Украіны Тарас Кутавы.

21 кастрычніка ў Палтаўскай вобласці разбіўся гелікаптэр, паведамляе прэс-цэнтр Дзяржслужбы ў надзвычайных сітуацыях.

«А 16.00 у ДСНС паступіла паведамленне, што зблізку вёскі Тарасенкава Аржыцкага раёна адбылося падзенне гелікаптэра Robinson 44, у выніку чаго загінуў адзін чалавек. Гелікаптэр ляцеў з Кіева ў Палтаўскую вобласць», - гаворыцца ў рэлізе.

У ДСНС не называюць імя загінулага.

У выніку аварыі загінуў пілот гелікаптэра, былы міністр аграрнай палітыкі Украіны Тарас Кутавы, паведаміла выданне «Цензор.НЕТ», спасылаючыся на ўласныя крыніцы ў праваахоўных органах.

Пазней экс-міністр моладзі і спорту Украіны Ігар Жданаў таксама паведаміў у сваім Facebook пра гібель Кутавога.

Кутавы быў 42 гады. Ён абіраўся ў Вярхоўную Раду VII і VIII скліканняў.

14 красавіка 2016 года Кутавы заняў пасаду міністра аграрнай палітыкі і харчавання Украіны ва ўрадзе Уладзіміра Гройсман. Ён падаў заяву аб адстаўцы ў траўні 2017 года, але быў звольнены толькі ў лістападзе 2018-га.