Дзяржаўны дэпартамент ЗША: Масква асуджаная на правал
4- 23.11.2019, 20:19
- 14,636
Расея недаацэньвае ўстойлівасць украінцаў і іх імкненне да лепшай будучыні.
Дзяржаўны дэпартамент ЗША ў сваёй заяве па ўшанаванні ахвяр Галадамору ва Украіне звязаў дзеянні савецкага рэжыму супраць украінцаў з сучаснай агрэсіяй РФ.
Як паведамляе «Европейская правда», пра гэта гаворыцца ў відэазвароце спікера Дзяржаўнага дэпартамента Морган Артагус, якое распаўсюдзіла пасольства ЗША ў Кіеве.
«У гэтым лістападзе мы шануем і ўспамінаем мільёны ўкраінцаў, якія загінулі 86 гадоў таму падчас Галадамору, жудаснага голаду, створанага варварскай палітыкай сталінскага рэжыму», - заявіла Артагус.
Яна адзначыла, што шляхам наўмыснага захопу ўкраінскай зямлі і ўраджаю і прымусовай калектывізацыі Савецкі саюз выклікаў масавы голад, гібель і надзвычайныя чалавечыя пакуты.
«Хоць гэтая жудасная трагедыя была адной з самых жорсткіх падзей ХХ стагоддзя, Савецкаму саюзу не ўдалося зламаць дух украінскага народа», - падкрэсліла прэс-сакратарка Дзяржаўнага дэпартаменту ЗША.
Успамінаючы пра кампанію СССР супраць украінцаў, яна падкрэсліла, што Масква і цяпер не пакідае спробаў разбурыць імкненне ўкраінскага народа, аднак, на думку Вашынгтона, яны не будуць мець поспеху.
«Цяпер Украіна зноў зазнала напад. Акупацыя Крыма Расеяй і яе бягучая агрэсія на ўсходзе Украіны прывялі да блізу 13 тысяч загінулых. Нават цяпер Масква спрабуе маніпуляваць і знішчыць імкненне народа Украіны. Але ў сваёй падступнай кампаніі Расея недаацэньвае ўстойлівасць украінцаў і іх імкненне да лепшай будучыні. Гэтая кампанія асуджаная на правал», - заявіла Артагус.
.@StateDeptSpox: Ми вшановуємо пам'ять мільйонів українців, які загинули вісімдесят шість років тому під час Голодомору. Ми разом з усім світом пам’ятаємо про невинні жертви часів Голодомору, і запевняємо у своїй підтримці демократичної, заможної та суверенної України. pic.twitter.com/tN2b8p9IWM
— U.S. Embassy Kyiv (@USEmbassyKyiv) November 23, 2019