«Калі Крэмль дасць загад Мінску, то гэтая брыгада будзе выкарыстаная»

Палкоўнік Узброеных Сіл Украіны ацаніў магчымасць уцягвання беларускіх вайскоўцаў у вайну.

На поўдні Беларусі ствараецца новае ўдарнае злучэнне. 37-ю асобную дэсантна-штурмавую брыгаду размесцяць пад Гомелем, усяго ў некалькіх дзесятках кіламетраў ад украінскай мяжы. У яе складзе фарміруюцца дэсантныя, артылерыйскія, зенітныя і разведвальныя падраздзяленні.

Ці можа Расія задзейнічаць новую брыгаду, якую фармуе Лукашэнка, для наступу або адцягнення сіл Украіны на Чарнігаўскім напрамку? Пра гэта сайт Charter97.org пагаварыў з палкоўнікам запасу Узброеных Сіл Украіны, удзельнікам міратворчых місій у Косаве і Іраку Сяргеем Грабскім:

— Вядома, можа. Чаму б і не? Калі Пуцін дасць загад Мінску, то гэтая брыгада будзе выкарыстаная як гарматнае мяса ў гэтай вайне, як ваенная сіла супраць Украіны. Я далёкі ад думкі, што дзеючы мінскі рэжым мае нейкую самастойнасць або вядзе ўласную палітыку. Таму, калі загадаюць, загад будзе выкананы.

Але я ўсё ж не думаю, што брыгаду задзейнічаюць у бліжэйшы час. Гэта занадта дорага і не мэтазгодна, бо яна яшчэ нават не сфармаваная. Што маем на сёння? Літаральна адзін батальён. Астатнія падраздзяленні толькі рыхтуюцца.

Ні пра якое выкарыстанне гэтай брыгады ў баявых дзеяннях як мінімум цягам года гаворкі не ідзе. Яна павінна быць цалкам сфармаваная, прайсці баявое зладжванне, цэлы комплекс вучэнняў і трэніровак штабнага і палявога ўзроўню. Потым неабходна ацаніць яе гатоўнасць. Толькі пасля гэтага пра яе можна будзе гаварыць як пра паўнавартаснае вайсковае злучэнне.

Але ёсць наступнае пытанне: ці мае гэтая брыгада баявы досвед? Ці ёсць у ёй людзі, якія такі досвед атрымалі? Маю здагадку, што ёсць або будуць. Але ці азначае гэта, што брыгаду задзейнічаюць у вайне як адзінае вайсковае злучэнне? Не.

Трэба разумець і іншае. Асобныя групы або вайскоўцы гэтай брыгады могуць быць задзейнічаныя на абсалютна «добраахвотнай» аснове для правядзення дыверсійных дзеянняў на тэрыторыі Украіны, у тым ліку ў Чарнігаўскай вобласці. Уласна, і ўсё.

Як адзінае злучэнне брыгада можа быць задзейнічаная ў баявых дзеяннях толькі ў выпадку разгортвання нейкай расійскай групоўкі на тэрыторыі Беларусі або побач з ёй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com