У ЕЗ узгаднілі санкцыі супраць васьмі расейцаў
- 15.02.2019, 18:19
- 7,741
Санкцыі будуць уведзеныя за захоп украінскіх маракоў.
Дыпламаты ЕЗ узгаднілі ўвядзенне санкцый супраць расейцаў, якія маюць дачыненне да захопу 24 украінскіх маракоў падчас інцыдэнту ля Керчанскай пратокі.
Як піша «Европейскаяя правда», пра гэта паведаміў брусэльскі карэспандэнт Радио Свобода Рыкард Джозвяк у Twitter.
«Дыпламаты ЕЗ дамовіліся пра санкцыі супраць Расеі праз інцыдэнт у Азоўскім моры. Прадугледжваецца забарона на атрыманне віз і замарожванне актываў прыкладна для 8 чалавек, датычных да затрымання 24 украінскіх маракоў, рашэнні павінны фармалізаваць ў найбліжэйшыя тыдні», - напісаў Джозвяк.
EU diplomats have agreed to sanction #Russia over the #azovsea incident. visa bans and asset freezes on around +/- 8 ppl involved in the detention of the 24 Ukrainian sailors should be formalized in upcoming weeks. #Ukraine #Crimea
— Rikard Jozwiak (@RikardJozwiak) 15 февраля 2019 г.
Сярод асобаў, якія трапяць пад санкцыі, могуць быць як афіцэры, якія былі прыцягнутыя да інцыдэнту ў Керчанскай пратоцы, так і расейскія суддзі, што ажыццяўляюць далейшае затрыманне ўкраінцаў
Раней Джозвяк паведаміў, што ў Еўразвяз не разглядаюць іншых мер у сувязі з агрэсіяй Расеі ў раёне Керчанскай пратокі, акрамя персанальных санкцый.
Як паведамлялася, ЕЗ і ЗША наблізіліся да ўзгаднення новых санкцый супраць Расеі за яе агрэсію ў раёне Азоўскага мора.
Меры будуць абмяркоўвацца на пасяджэнні міністраў замежных спраў краін ЕЗ у наступны панядзелак.
