Два высокапастаўленыя следчыя СК у эканамічных справах пазбавіліся пасад
23- 20.02.2019, 17:06
- 29,471
Адзін з іх вёў «справу прафзвязаў» супраць Генадзя Фядыніча і Ігара Комліка.
На мінулым тыдні сваю пасаду пакінуў начальнік аддзела расследавання злачынстваў у сферы эканомікі Управы СК горада Менску палкоўнік Ілля Валозін і ягоны калега, супрацоўнік Цэнтральнага апарата Следчага камітэта Андрэй Качура, паведамілі tut.by дзве не звязаныя адна з адной крыніцы.
Паводле інфармацыі суразмоўцы журналістаў, Андрэй Качура, на днях звольнены з праваахоўных органаў, праходзіць у якасці падазраванага ў крымінальнай справе.
Аб прычынах адстаўкі Іллі Валозіна афіцыйна не паведамляецца. Ягоны аддзел займаўся многімі гучнымі эканамічнымі справамі - ад справы Віталя Арбузава і групы кампаній Fenox да другой справы Аляксандра Мураўёва і справы лідараў прафзвязу РЭП Генадзя Фядыніча і Ігара Комліка.
У Следчым камітэце ад каментароў у кадравых пытаннях адмовіліся.