«Знаёмай пенсіянерцы налічылі $1000 за электраэнэргію!»

Дзяржаўнай мафіі пара абвясціць байкот.

Беларусы, якіх паводле дэкрэту Лукашэнкі ўлады запісалі ў «дармаеды», пачалі атрымліваць рахункі з падвышанай аплатай за паслугі ЖКГ.

У новым варыянце квітанцыі з'явілася графа з тарыфамі, якія нібыта забяспечваюць «поўную кампенсацыю выдаткаў». Хатняя гаспадыня Марыя Тарасенка з Гомеля паведаміла, што ў гэтым месяцы праз «дармаедскія тарыфы» ёй давядзецца заплаціць на 100 рублёў больш. А мацней за ўсё падаражэла плата за падагрэў вады - у 5,3 раза (з 5,65 рублёў у студзені па 48,19 у лютым).

Самае дзіўнае, што разам з «пацяжэлымі» рахункамі для «дармаедаў» многім «занятым у эканоміцы» беларусам пачалі прыходзіць квітанцыі з астранамічнымі лічбамі ад ЖКГ. Напрыклад, жыхарка Магілёва атрымала рахунак амаль на 900 рублёў, з якіх найбольшая частка – аплата за ваду.

Сайту Charter97.org стала вядома, што рэжысёрка і грамадская актывістка Вольга Нікалайчык таксама выявіла ў сябе ў паштовай скрыні «сюрпрыз» ад камунальнікаў: нягледзячы на статус творчага работніка, які вызваляе ад «дармаедскіх тарыфаў», уладальніцы дома ў Менску налічылі 600 рублёў нібыта за «вываз смецця».

Журналісты папрасілі Вольгу Нікалайчык пракаментаваць сітуацыю вакол незвычайна вялікіх лічбаў у рахунках беларусаў.

- Як так атрымалася, што ЖКГ даслала вам да аплаты квітанцыю на 300 даляраў?

- Так, я была здзіўленая і абураная. Я зарэгістраваная ў БАЖ, працую як рэжысёрка і на падставе ўдзелу ў творчых саюзах не трапляю пад дзеянне Дэкрэта аб «дармаедах».

Па-другое, я жыву ў прыватным сектары і камуналкі, акрамя вады і электрычнасці, у мяне няма. І тут ад ЖКГ Першамайскага раёна мне прыходзіць «ліст шчасця» аб тым, што я нібыта вінная 600 рублёў за «вываз смецця».

Я здзівілася: бо я не ўкладала з нашым ЖЭС дамовы аб вывазе смецця з маёй тэрыторыі. Я патэлефанавала ім і папрасіла іх раскрыць мне вочы і абгрунтаваць гэтыя лічбы. Мне паабяцалі, што «разбяруцца» і – усё ж разабраліся: праз некаторы час прыйшла квітанцыя на суму 648 рублёў.

Таму я пастанавіла проста падаваць на іх у суд. У іх няма дамовы, на падставе якой можна налічыць такія сумы. Думаю, што проста мяне, як актывістку апазіцыі, хочуць выселіць з майго дома - практычна ў цэнтры Менска, плошчай 85 квадратных метраў і з уласным зямельным надзелам. Затым прадаць мой дом на аўкцыёне, а мяне - перасяліць куды-небудзь у Смалявічы. Бо не дарма Лукашэнка нядаўна казаў аб высяленні менчукоў у гарады-спадарожнікі…

- А як вы растлумачыце, што рахункі з вялікімі сумамі сталі прыходзіць не толькі апазіцыянерам або беспрацоўным згодна з дэкрэтам №3, але і простым людзям, як той казаў – «нідзе не заўважаным»?

- Ведаеце, улада проста разышлася. Рука руку мые з уладнымі структурамі дзейнічае мафія з ЖКГ і пранырлівыя, неразборлівыя ў метадах забудоўшчыкі.

Я ведаю выпадкі, значна больш жахлівыя, чым мой. Маёй знаёмай пенсіянерцы налічылі $1000 за электраэнэргію!

Яна жыве ў прыватным сектары каля вуліцы Акрэсціна. Відаць, гэты прынадны кавалак Менска спадабаўся нейкаму забудоўшчыку. Усю пазыку за ЖКГ, якая назапасілася на мікрараёне, перапісалі на некаторых жыхароў прыватнага сектара. Увесь раён завінаваціўся за святло, а вінаватымі зрабілі пенсіянераў, бо забудоўшчыку трэба, каб яму перадалі зямлю з нулявым балансам за ЖКП. Ну хіба гэта не мафія?!

Улады думаюць, што пенсіянеры ўжо дрэнна арыентуюцца ў тым, што адбываецца і не змогуць сябе абараніць. І завінавачанасць усяго раёна за ЖКГ забіраюць з іх пенсіі, утрымліваючы кожны месяц па 40-50% ад гэтых мізэрных сум, якіх і так ледзь стае на жыццё. Мая знаёмая, Ганна, надумала не здавацца – і ў выніку яе адправілі ў «вар’ятню». Вось такімі метадамі яны дзейнічаюць.

Пры гэтым - я ўпэўненая - важныя спадары пры дзяржаўным «карыце», уся гэтая драздоўская публіка, жыхары элітных катэджаў у суседстве з Лукашэнкам плацяць «камуналку» льготнымі тарыфамі, са зніжкай.

Гэта сведчыць пра тое, наколькі ў нас дзяржава не клапоціцца аб грамадзянах, пра простага чалавека, пра беларускага працаўніка, якога ў іх яшчэ стае нахабства абзываць «дармаедам»…

- Дарэчы, пра «дармаедаў». Блізу 500 тысяч чалавек пачынаюць атрымліваць рахункі з падвышанымі тарыфамі паслугі ЖКГ. Што б вы параілі ім рабіць?

- Па-першае, не спяшацца нешта плаціць. Хай улады спачатку адкажуць - чаму «камуналка» падвышаная? На якіх падставах вылічаюцца тарыфы? Дзе празрыстасць? А ці не плацім мы і так ужо значна больш за 100% «эканамічна абгрунтаваных тарыфаў»?

Па-другое, масава падаваць у суды. Вядома, суды стануць на бок уладаў. Але іх трэба проста закідаць «дармаедскімі» пазовамі, зладзіць абструкцыю і параліч гэтай сістэме.

Па-трэцяе, зноў жа - не плаціць. Але не плаціць не проста так, а свядома. Сабрацца і абвясціць байкот гэтай дзяржаўна-камунальнай мафіі. Бо яны проста абкрадаюць грамадзян. Не толькі шляхам налічэння «камуналкі». Дзе наша «сацыяльная дзяржава», якой Лукашэнка загаворвае зубы ўжо 25 гадоў? Дзе напраўду бясплатная медыцына? Дзе бясплатная адукацыя, без усялякіх пабораў? Няма нічога. Таму выхад адзін - проста не плаціць. Байкот.

І людзі ўжо разумеюць, што з гэтай уладай ужо бескарысна ўступаць у спрэчкі. Іх проста трэба вымятаць венікам з краіны. І гісторыя з маім смеццем паказальная: мне не трэба вывозіць яго, бо яны самі - смецце на ўзбочыне гісторыі.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com