«Тамагаўкі» над рэзідэнцыяй Пуціна
7- 24.03.2019, 10:43
- 18,837
Чаго баіцца гаспадар сочынскіх апартаментаў.
Прэзідэнт РФ Уладзімір Пуцін панічна баіцца ракетнай базы ЗША, якую яны нібыта пабудавалі ў Румыніі, бо адтуль ракеты змогуць даляцець да яго рэзідэнцыі ў Сочы.
Такое меркаванне выказаў блогер і навуковец з Латвіі Андрыс Параудзінс у Facebook.
З ягоных слоў, менавіта таму Пуцін вырашыў захапіць Крым, бо там можна ўсталяваць супрацьракетнае ўзбраенне.
«І вось гэтую ракету «Тамагаўк» ён баіцца больш за ўсё на свеце. Таму, а не чаму іншаму, быў захоплены Крым - каб паставіць заслону ўсемагутнаму «Тамагаўку». Менавіта таму былі зачышчаныя Абхазія і Асеція, яны размешчаныя занадта блізка да яго рэзідэнцыі. Менавіта таму Крым сёння нашпігаваны ўзбраеннем», - растлумачыў блогер.
Між іншым, на анэксаванай тэрыторыі размешчаны 4 зенітныя ракетныя сістэмы дывізіёна С-400, 2 дывізіёна С-300, комплекс «Панцыр-С», комплекс «Бук-М2», комплекс «Іскандэр» і некалькі самалётаў.
«Амаль упэўнены, што амерыканцы пабудавалі ў Румыніі базу і размясцілі на ёй ракеты, якія змогуць даляцець да яго рэзідэнцыі ў Сочы за 5 хвілін і забіць яго. А ён нават не паспее злезці з унітаза - замочаць ва ўласным сарціры!» - выказаў меркаванне матыву Пуціна навуковец.