Лукашэнка - гендырэктару «Гомсельмаша»: Хто хоча - няхай працуе, хто не хоча - за плот!

Дыктатар даў хамскія пажаданні новаму гендырэктару завода.

Лукашэнка запатрабаваў ад новага генеральнага дырэктара ААТ «Гомсельмаш» Аляксандра Новікава навесці на прадпрыемстве парадак і палепшыць якасць прадукцыі, паведамляе kp.by.

- Я атрымліваў сігналы адтуль, таму пасля наведвання «Гомсельмаш» быў ініцыятарам, каб яго пільна паглядзелі. А як паглядзелі там праблем вышэй за дах, - сказаў Лукашэнка.

Сярод задач новага гендырэктара: развязанне кадравых пытанняў, а таксама прыняцце мер для выкаранення любых парушэнняў.

- Пракантралюйце, калі кімсьці было вырашана завуаляваць праблемы. Бо на прадпрыемстве некаторым надзелі кайданкі, а іншыя, кім павінна было ўсё кантралявацца, дома сядзяць. Накралі нямала і занурыліся, а яшчэ думаюць, што да іх не дабяруцца, - папярэдзіў дыктатар.

У заключэнне было заўважана, што ў Аляксандра Новікава дастаткова досведу для кіравання «Гомсельмашам», а акрамя таго знаёмая і спецыфіка вытворчасці, бо доўгі час ён працаваў тут на пасадзе галоўнага інжынера. Таму Лукашэнка чакае ад новага кіраўніка хуткіх і эфектыўных развязанняў: «Хто хоча няхай працуе, хто не хоча за плот! Іншага выбару няма, інакш загубім «Гомсельмаш», - падсумаваў дыктатар.