«Калі камеры выключаюцца, Лукашэнка пачынае падлабуньвацца да чыноўнікаў»
77- 29.03.2019, 8:46
- 170,611
Як напраўду паводзіць сябе дыктатар пасля «разносу» на відэакамеру.
Былы работнік адміністрацыі Лукашэнкі распавёў, як напраўду паводзіць сябе Лукашэнка з чыноўнікамі, калі выключаюцца камеры, паведамляе «Белсат».
Інтэрнэт-старонка тэлеканала апублікавала ўрывак з гутаркі з Аляксандрам Пласкавіцкім, юрыстам і былым работнікам адміністрацыі Лукашэнкі:
- Чаму Лукашэнка з чыноўнікамі робіць усё, што хоча, а яны гэта праглынаюць?
- Па-першае, ёсць людзі такія, як Дамашкевіч або былы мэр, нябожчык Паўлаў, - яны заўсёды даволі рэзка адказвалі, таму Лукашэнка стараўся іх не чапаць на людзях. А калі выпадкова закранаў, то потым сам шкадаваў. Па-другое, існуе няправільнае ўяўленне пра самога Лукашэнку. Усе бачаць яго, калі ён на тэлекамеру падлабуньваецца да народу. Калі тэлекамеры сыходзяць, і ён застаецца сам-насам з чыноўнікамі, ён практычна перад усімі, акрамя 2-3 хлопчыкаў для біцця, пачынае падлашчвацца да чыноўнікаў. Таму чыноўнікі з нейкім досведам разумеюць, што гэта спектакль для народа, і Лукашэнку трэба падыграць. Але калі яны застаюцца - ён даслоўна кожнаму пачынае казаць нешта добрае, за нешта хваліць...