Парашэнка прыйшоў на афіцыйныя тэледэбаты адзін

У пачатку дэбатаў вядоўца паведаміла аб тым, што паступіў званок пра пагрозу тэракту ў студыі.

Кандыдат у прэзідэнты Украіны Уладзімір Зяленскі не з'явіўся на афіцыйныя перадвыбарчыя дэбаты, якія праводзяцца пад эгідай ЦВК Украіны на Грамадскай тэлевізіі, паведамляе 112.ua.

Яго апанент, прэзідэнт Украіны Пятро Парашэнка, на дэбаты прыйшоў. На працягу гадзіны ён выступаў і адказваў на пытанні вядоўцы ў адзіночку.

У пачатку дэбатаў вядучая паведаміла аб тым, што паступіў званок пра пагрозу тэракту ў студыю і прапанавала пакінуць яе Парашэнку і прысутным гледачам. Ніхто з іх гэтага не зрабіў.

Раней 19 красавіка Парашэнка і Зяленскі правялі дэбаты на стадыёне «Алімпійскі» ў Кіеве перад 22 тысячамі гледачоў. Афіцыйна гэта лічылася не дэбатамі, а мерапрыемствам перадвыбарнай агітацыі.