Выхад «Народнага фронту» з кааліцыі заблакуе роспуск Вярхоўнай Рады Украіны

Украінскі парламент будзе працаваць да выбараў, калі ў ім з'явіцца новая кааліцыя.

Сёння фракцыя "Народны фронт" заявіла аб выхадзе з кааліцыі ў Вярхоўнай Радзе Украіны. Пра гэта заявіў лідар украінскай парламенцкай фракцыі Максім Бурбак. Новая кааліцыя ў Вярхоўнай Радзе павінна быць сфармавана цягам 30 дзён. Гэта павінна заблакаваць роспуск парламента абраным прэзідэнтам краіны Уладзімірам Зяленскім.

Прэм'ер-міністр Украіны Уладзімір Гройсман заявіў, што Вярхоўная Рада Украіны і ўрад будуць працаваць да наступных, чарговых парламенцкіх выбараў, піша censor.net.

"Відавочна, што ўкраінскі парламент і ўкраінскі ўрад будуць працаваць да наступных парламенцкіх выбараў", - сказаў ён, выступаючы з трыбуны Вярхоўнай Рады ў пятніцу. Гройсман заклікаў: "Давайце з вамі, супольна з новаабраным прэзідэнтам, усім украінскім парламентам вызначым той парадак дня, якая нас аб'ядноўвае".

Гэта павінна заблакаваць роспуск парламента абраным прэзідэнтам краіны Уладзімірам Зяленскі.

Напярэдадні дарадца Зяленскага Дзмітрый Разумкоў у эфіры канала "1 + 1" заявіў, што абраны прэзідэнт распусціць парламент пасля ўступлення на пасаду, карыстаючыся тым, што ў Радзе не створана кіроўная кааліцыя. Пасля выхаду "Народнага фронту" парламенту будзе дадзена 30 дзён на стварэнне кааліцыі, а значыць, прэзідэнт не зможа скарыстацца гэтым правам, адзначае "Украінская праўда".