Казахстан запатрабуе кампенсацыю за брудную нафту

Забруджана больш як 598 тысяч тон нафты.

Казахстанская нафта, экспартуецца праз Расею і загружаная на танкеры ў порце Усць-Луга на Балтыйскім моры, была забруджаная і Казахстан у сувязі з гэтым плануе дамагацца кампенсацыі ад расейскага трубаправоднага манапаліста "Транснафта". Пра гэта паведаміла ў пятніцу, 17 траўня, агенцтва Reuters са спасылкай на намесніка міністра энэргетыкі Казахстана Асета Магавулава, паведамляе "Нямецкая хваля".

Са слоў Магавулава, на танкеры ў расейскай Усць-Лузе загружана 598 тысяч тон забруджанай нафты. "Спачатку кампаніі, якія прадавалі гэтую нафту, пагавораць з пакупнікамі пра зніжку, а затым (казахстанскі аператар трубаправодаў) Kaztransoil правядзе асобныя перамовы з "Транснафтай", - сказаў намеснік міністра.

У нафтавых пастаўках з Расеі ў красавіку ўзніклі перабоі пасля таго, як у нафты, якая пастаўляецца праз трубаправод "Дружба" ў Усць-Лузе і еўрапейскія краіны, было выяўлена высокае ўтрыманне хларыдаў.