Брыстальскі ўніверсітэт адкрыў курс шчасця
2- 20.05.2019, 11:58
- 6,505
Сярод хатніх заданняў - больш спаць і медытаваць.
Брыстальскі ўніверсітэт (Вялікабрытанія) прапанаваў студэнтам курс шчасця, які доўжыцца 12 тыдняў і залічваецца як прадмет на выбар. Пра гэта піша часопіс «Нож» са спасылкай на Independent.
Курс пачнецца ў наступным навучальным годзе, запісацца на яго могуць студэнты ўсіх факультэтаў - гэта прынясе ім 20 навучальных балаў з 120 неабходных за год.
Сярод хатніх заданняў - больш спаць і медытаваць.
Урокі шчасця будзе даваць прафесар псіхалогіі Брус Худ, які спецыялізуецца на даследаванні мыслення чалавека. У мінулым годзе ён запусціў пробны курс, які не фіксаваўся ў залікоўцы - яго заняткі наведалі 400 студэнтаў.
Курс шчасця і псіхічнага здароўя ўвялі праз сумную статыстыку: за апошнія тры гады 12 студэнтаў Брыстальскага ўніверсітэта скончылі жыццё самагубствам.