Пад Менскам рэйсавы аўтобус з'ехаў у кювет: ёсць пацярпелыя

На гэтую аўтадарогу неаднаразова скардзіліся мясцовыя жыхары.

Рэйсавы аўтобус з'ехаў у кювет на трасе Н8951 Прымор'е - Боўблі - Рогава ў Менскім раёне. Пра гэта tut.by паведамілі чытачы.

Аварыя адбылася ўдзень 31 траўня. Паводле папярэдняй інфармацыі, аўтобус №215 (ДС «Карастаянавай» - Броўкі) ехаў па трасе Н8951 з боку сталіцы. У нейкі момант кіроўца не справіўся з кіраваннем, у выніку чаго аўтобус праз сустрэчную паласу вылецеў у кювет.

На месца ДТЗ прыбылі два аўтамабілі хуткай медыцынскай дапамогі. Як паведамляюць відавочцы, некалькі чалавек атрымалі траўмы. Сур'ёзна ў аварыі ніхто не пацярпеў.

На гэтую аўтадарогу неаднаразова скардзіліся мясцовыя жыхары. З іх слоў, траса небяспечная для перамяшчэння транспартных сродкаў і ўжо больш за 40 гадоў мае патрэбу ў рэканструкцыі.

У Менаблвыканкаме і КУП «Мінскаблдарбуд» паведамілі, што на адцінак аўтамабільнай дарогі Н8951 Прымор'е - Боўблі - Рогава (1,1-8 км) распрацаваная праектна-каштарысная дакументацыя, якая прадугледжвае ўмацаванне абочын, замену дэфектных дарожных знакаў, пракладку гарызантальнай разметкі. Існы рамонт згаданага адрэзка будуць выконваць да 1 верасня 2019 года. Аднак капітальны рамонт і рэканструкцыя гэтай дарогі дзяржпраграмай на 2017-2020 гады не прадугледжаныя.