20 кастрычнiка 2019, Нядзеля, 5:06
Мы ў адной лодцы
Рубрыкі

Даследчыкі выявілі незвычайных рыб, якія затрымліваюць дыханне пад вадой

1
Даследчыкі выявілі незвычайных рыб, якія затрымліваюць дыханне пад вадой

Навукоўцы толькі мяркуюць, для чаго гэтым рыбам патрэбны такі незвычайны механізм.

Даследчыкам упершыню ўдалося праназіраць за іх незвычайнымі паводзінамі - затрымку дыхання пад вадой на час да чатырох хвілін, піша «Папулярная механіка».

Запісы паводзін рыб былі выяўленыя спецыялістамі падчас вывучэння відэа, зробленага дыстанцыйна кіраванымі апаратамі Нацыянальнай управы акіянічных і атмасферных даследаванняў ЗША (NOAA): усяго былі знойдзены запісы васьмі розных асобін у відэа, знятых у розных частках Ціхага і Атлантычнага акіянаў.

Каб атрымаць патрэбны кісларод, рыбы паглынаюць ваду, здабываюць з яе кісларод, а затым «выдыхаюць» ваду з кіслародам са шчэлепаў. Ёсць жа, аднак, і тыя, што не выпускаюць ваду адразу - рыбы з сямейства хаўнаксовых (Chaunacidae; належаць да класа лучапёрых рыб): яны затрымліваюць яе ў шчалепах, прычым на даволі доўгі час: ад 26 секунд да чатырох хвілін.

Навукоўцы толькі мяркуюць, для чаго гэтым рыбам патрэбны такі незвычайны механізм. Са слоў даследнікаў, затрымка дыхання можа дапамагаць рыбам захоўваць энергію, а таксама, магчыма, абараняць іх, раздзімаючы і робячы больш буйнымі ў вачах драпежнікаў (калі гэтыя рыбы затрымліваюць паветра, іх аб'ём, згодна з даследчыкам, павялічваецца на 20-30 адсоткаў).