Альфрэд Кох: Хачу хутчэй атрымаць асалоду ад «Лебядзінага возера», ад расейскага варыянту «Загубы Багоў»

Чым часцей Пуцін з'яўляецца на экране, тым хутчэй падае ягоны рэйтынг.

Пра гэта ў «Фэйсбуку» напісаў расейскі палітык, былы віцэ-прэм'ер Расеі Альфрэд Кох, каментуючы ўчарашнюю жывую лінію з Пуціным:

«Я думаю, чым часцей Пуцін з'яўляецца на экране, тым хутчэй падае ягоны рэйтынг.

Ён ужо не малады, не свежы, не мае энтузіязму. Вецер гісторыі ўжо не дзьме ў ягоныя ветразі...

Ён бесперапынна вярзе глупства. Ранейшыя камічныя эпізоды, якія раней падабаліся, ужо раздражняюць публіку сваёй другаснасцю.

Ён усё наракае на «ліхія 90-я», гэтак жа, як у гады ягонай маладосці лаялі «крывавы царызм». Гэта нічога акрамя сарказму ў духу гісторый пра «дрэннага танцора» ні ў каго не выклікае.

Яго апломб, у спалучэнні са старэчым глупствам і некампетэнтнасцю становіцца ўжо анекдатычным.

Цяперашняя жывая лінія таму яшчэ адное пацвярджэнне. Не хачу капацца ў дэталях (іх мільён), але скончу так:

- Пуцін, не спыняйся! Радуй нас сваімі эскападамі штодня. Чым часцей ты будзеш раздражняць народ сваімі абсалютна бездапаможнымі і пры гэтым надзвычай самаўпэўненым развагамі, тым хутчэй прыйдзе канец тваёй уладзе.

У свой час быў добры анекдот пра ўручэнне Ордэна Кастрычніцкай рэвалюцыі Мікалаю Другому за падрыхтоўку Кастрычніцкай рэвалюцыі.

Ужо сапраўды, апошні час ніхто не можа параўнацца з табой у намаганнях, накіраваных на набліжэнне твайго канца.

Наперад, магутны рос! Хачу хутчэй атрымаць асалоду ад рускага варыянту «Згубы Багоў», імя якому - «Лебядзінае возера».