У Ганконгу пратэстоўцы заблакавалі штаб-кватэру паліцыі
- 21.06.2019, 12:37
- 6,050
Масавыя дэманстрацыі ў Кітаі трываюць.
У Ганконгу тысячы пратэстоўцаў супраць закона аб экстрадыцыі сабраліся ў штаб-кватэры паліцыі, паведамляе «Радыё Свабода». Праваахоўныя органы папрасілі дэманстрантаў разысціся, але пра затрыманні або выкарыстанне сілы пакуль не паведамляецца.
Масавыя дэманстрацыі ў Ганконгу прадаўжаюцца праз намер уладаў аўтаномнага рэгіёну дазволіць экстрадыцыю асоб, якія падазраюцца ў парушэнні закона, у мацерыковы Кітай. Крытыкі законапраекта мяркуюць, што ён можа быць выкарыстаны для перадачы ў рукі кітайскага правасуддзя дысідэнтаў і несправядліва пераследаваных людзей.
Пасля масавых пратэстаў улады Ганконга прыпынілі працу над законапраектам, але не спынілі яе цалкам. Гэта прывяло да новых пратэстаў. У мінулыя выходныя, як пісалі СМІ, на вуліцы выйшлі блізу двух мільёнаў чалавек.