Грыбаўскайтэ застаецца адным з галоўных кандыдатаў у прэзідэнты Еўрапейскай рады
4- 21.06.2019, 16:26
- 8,565
Лідары Еўразвязу вядуць перамовы.
Кандыдатурa прэзідэнта Літвы Далі Грыбаўскайтэ застаецца адной з вядучых на пасаду прэзідэнта Еўрапейскай рады.
Пра гэта, як паведамляе «Европейская правда», піша AFP.
Прэм'ер Бельгіі Шарль Мішэль і прэзідэнтка Літвы Даля Грыбаўскайтэ з'яўляюцца прэтэндэнтамі на пасаду прэзідэнта Еўрапейскай рады, гаворыцца ў матэрыяле.
Пасля перамоваў у пятніцу сярод лідараў ЕЗ не знайшлося падтрымкі для аднаго з вядучых кандыдатаў, вылучаных партыямі Еўрапарламента на пасаду прэзідэнта Еўракамісіі.
Францыя выступіла супраць вылучэнца Нямеччыны Манфрэда Вебера, а фаварытам прэзідэнта Францыі Эмануэля Макрона застаецца перамоўнік ЕЗ аб Brexit Мішэль Барнье, які не быў сярод трох адхіленых кандыдатаў. Аднак на кандыдатуру Барнье наўрад ці пагодзіцца Берлін.
Разам з тым прэзідэнт Еўрапейскай рады Дональд Туск адзначыў, што лідары ЕЗ пагадзіліся, што для вышэйшых пасад павінен быць пакет, які адлюстроўвае разнастайнасць ЕЗ.
У сувязі з гэтым магчымымі кандыдатурамі на прэзідэнта ЕК называлі прэзідэнта Харватыі Калінду Грабар-Кітаровіч і прэм'ер-міністра Андрэя Плянковіча.
Баўгарку Крысталіну Георгіеву, былога еўракамісара, якая перайшла на пасаду выканаўчага дырэктара Сусветнага банка, таксама могуць папрасіць вярнуцца з Вашынгтона.