«Рытуальныя танцы» Кабякова і прадпрыемствы Барысава
3- 22.06.2019, 16:18
- 13,214
Абяцанням былога прэм'ера споўнілася два гады.
Паводле звестак Дзяржаўнай інспекцыі працы Міністэрства працы і сацыяльнай абароны, у траўні ВРУП «Барысаўскі крыштальны завод імя Ф.Э.Дзяржынскага» зноў трапіў у спіс прадпрыемстваў, якія парушаюць тэрміны і парадак выплаты заробку, піша ex-press.by.
У ганебным пераліку апынулася і ААТ «Барысаўжылбуд». У гэтага акцыянернага таварыства, дзе дзяржаве належыць большая частка акцый, таксама ёсць праблемы са своечасовай аплатай працы супрацоўнікаў.
Абодва прадпрыемствы ў свой час перажылі доўгую мадэрнізацыю, пасля якой, падобна, так і не акрыялі.
Крыштальны завод, у сутнасці, даўно банкрут, але, тым не менш, ужо шосты год знаходзіцца ў працэсе санацыi, гэта значыць аздараўлення. ААТ «Барысаўжылбуд» – былы домабудаўнічы камбінат – яшчэ не сануецца, але ягонае фінансавае становішча далёкае ад стабільнасці.
Два гады таму 23 чэрвеня 2017 абодва гэтыя прадпрыемствы наведаў тагачасны прэм'ер-міністр РБ Андрэй Кабякоў.
Кіраўнік урада, азнаёміўшыся на месцы з сітуацыяй, зрабіў некалькі аптымістычных заяваў. Сутнасць іх зводзілася да таго, што кожнаму з прадпрыемстваў будзе зробленая падтрымка ў адпаведнасці з комплексам захадаў, які распрацуе ўрад. Іншымі словамі, прэм'ер паабяцаў мадэрнізаваным заводам выратаванне і даў надзею на новае шчаслівае жыццё.
Праз два гады пасля абяцанняў тагачаснага прэм'ера два мадэрнізаваныя прадпрыемствы Барысава па-ранейшаму не квітнеюць.