Беларускія аператары сотавай сувязі паскардзіліся адзін на аднаго ў МАРГ

МАРГ апублікаваў тры цікавыя пастановы.

Усе датаваныя сінхронна: 31 траўня, і кожная тычыцца аднаго з мабільных аператараў. Яны паскардзіліся адзін на аднаго, піша tut.by.

life :)

Не зусім зразумела, хто менавіта паскардзіўся. Ясна, што пытанні ўзніклі да тарыфу «безліміт на ўсё». Ён быў даступны толькі фізічным асобам, якія перанеслі свой нумар з сеткі іншага аператара ў сетку life :)

.

Так было прыкладна з чэрвеня да жніўня 2018 года. Важна, што ўмовы для дзейсных абанентаў пры пераходзе на «безліміт на ўсё» былі такімі ж. Але сума абавязковага штомесячнага плацяжу вышэйшая, чым для новых абанентаў або якія перайшлі ад іншага аператара (перанос нумара).

Агулам МАРГ канстатуе, што life :)

перавабліваў абанентаў у іншых гульцоў з дапамогай розных бонусаў. Гэта значыць ідэя ў тым, што аператар не шукаў новых кліентаў, а завабліваў чужых.

У пастанове МАРГ, між іншым, гаворыцца:

- Нядобрасумленнасць дзеянняў ЗАТ «БеСТ» выяўляецца ў тым, што ўмовы акцыі маюць накіраванасць не на абанента і падачы яму найбольшай выгады, а на стварэнне перашкодаў выкарыстання абанентамі паслуг канкурэнта. Прапаноўваючы абанентам паслугу на такіх умовах, якія загадзя вядома адсутнічаюць у аператара, які абслуговае яго, ЗАТ «БеСТ» перавабліваў абанентаў да сябе... Умовы акцыі пра перанос нумару сведчаць пра тое, што аператар не імкнецца прыцягнуць новых абанентаў, а мэтанакіравана прапануе такія ўмовы, якія стымулююць пераход абанентаў ад канкурэнтаў.

На жаль, у той версіі пастановы, якая выкладзена міністэрствам у агульны доступ, не пазначаная пэўнае колькасць абанентаў, якія перайшлі на life :)

ад МТС і velcom|А1. Прыбраныя з публічнай версіі і сумы шкоды, якая нанесеная акцыяй «БеСТ» двум аператарам.

Але так як «БеСТ» ужо спыніў акцыю, МАРГ прызнаў, што няма падстаў выносіць прадпісанне. Парушэнне фактычна ліквідаванае. У адрас «БеСТ» міністэрства накіравала ліст з просьбай не дапускаць такіх акцый у будучыні.

velcom | А1

Кампанія «БеСТ» таксама паскардзілася ў МАРГ на velcom|А1. Аператар life :)

незадаволены акцыяй «Сардэчна запрашаем у velcom!». Падчас акцыі абанентам прапаноўвалі за 1 рубель у месяц тэлефанаваць ва ўсе сеткі і атрымліваць безлімітны доступ у інтэрнэт.

- Такім чынам, на думку ЗАТ «БеСТ», УП «Велком», займаючы дамінуючае становішча на таварным рынку паслуг сотавай рухомай электрасувязі, усталявала ў рамках правядзення акцыі манапольна нізкі кошт на тавар - паслугу сотавай рухомай электрасувязі – сумаю 1 руб/мес у г. Віцебску і Віцебскай вобласці.

Паводле звестак «БеСТ», velcom|А1 рассылаў усім, хто хацеў перанесці нумар у іншую сетку, SMS з прапановай застацца ў сетцы УП «Велком» і карыстацца безлімітам званкоў і інтэрнэту за 1 рубель у месяц.

Як і ў папярэднім выпадку, МАРГ апублікаваў пастанову з купюрамі. У арыгінале ёсць канкрэтныя працэнты абаненцкай базы, якія «БеСТ» уважае страчанымі праз «Велком» у Віцебскай і Гомельскай абласцях.

Прэтэнзіі «БеСТ» у высновах МАРГ прызнаюцца абгрунтаванымі толькі часткова. Як і ў выпадку з life :)

, аператару проста накіравалі папераджальны ліст. Прадпісанне не выносілася, бо акцыя ўжо не праводзіцца.

Але ў канцы дакумента ёсць такая фраза:

- Прызнаць наяўнасць падстаў для пачатку адміністрацыйнага працэсу, бо маецца патрабаванне ЗАТ «БеСТ» аб прыцягненні УП «Велком» да адміністрацыйнай адказнасці.

МТС

«БеСТ» падала скаргу і на МТС. Канкурэнту не спадабаліся акцыі «Welcome to MTS», «Застанемся сябрамі», «Сардэчна запрашаем у МТС!». Як і ў «Велком», тут прапаноўвалася за 1 рубель у месяц атрымаць званкі ва ўсе сеткі і безлімітны інтэрнэт.

- На думку ЗАТ «БеСТ», СТАА «МТС», займаючы дамінуючае становішча на таварным рынку паслуг сотавай рухомай электрасувязі, усталявала ў рамках правядзення акцый манапольна нізкія цэны на тавар - паслугі сотавай рухомай электрасувязі - сумаю 1 рубель/месяц, у тым ліку ў г. Гомелі і ў г. Светлагорску.

У гэтай, трэцяй, пастанове МАРГ усе лічбы па нанесенай шкодзе таксама «схаваў». Зразумела толькі, што гаворка ідзе пра страты абаненцкай базы life :)

у Гомельскай вобласці.

І ў гэтым выпадку МАРГ толькі часткова прызнаў парушэнне з боку МТС. Прадпісання няма. Ёсць ліст, як для «Вэлком». І таксама МАРГ прызнае, што ёсць падставы для адміністрацыйнага працэсу.