Фотафакт: Пад Менскам дрэва ўпала на трасу М2, заблакаваўшы рух у кірунку сталіцы

Дрэва зламалася ад парыву ветру.

Дрэва ўпала на трасу М2 Менск – Нацыянальны аэрапорт «Менск» паблізу вёскі Каралёў Стан. Пра гэта tut.by паведамілі чытачы.

На трасе М2 пад Менскам ад парыву ветру зламалася дрэва і ўпала проста на дарогу. Усе палосы ў кірунку сталіцы апынуліся заблакаваныя. Кіроўцы аб'язджаюць перашкоду па падзяляльнай паласе.

Нагадаем, на другую палову панядзелка праз навальніцы і ўзмацненне ветру сіноптыкі абвесцілі аранжавы ўзровень небяспекі па захадзе краіны і ў Менску. У сталіцы з 17 да 20-й гадзіны чакаюцца навальніцы, узмацненне ветру парывамі 15–20 м/с. Месцамі пры навальніцах моцныя залевы, у асобных раёнах град.