Дыетолаг пералічыла прадукты для стройнасці і здароўя
2- 26.07.2019, 9:40
- 8,939
Што варта ўключыць у рацыён кожнай жанчыне.
Многія з тых, хто худнее, свядома пазбягаюць тлушчаў у рацыёне. А дарэмна, бо яны бываюць не толькі шкоднымі, але і карыснымі. Прафесійны дыетолаг Тыяна Фіялкава распавяла пра тое, якія тлустыя прадукты павінны ўваходзіць у рацыён жанчын для стройнасці і здароўя, паведамляе РБК-Украина.
Са слоў спецыяліста, чым халаднейшы ваш клімат, тым больш тлушчаў павінна быць у рацыёне. З дастатковай колькасцю тлушчаў у рацыёне лягчэй пазбавіцца ад цягі да салодкага, апетыт станавіцца ўмераным, адпадае неабходнасць у перакусах.
Экспэрт склала спіс прадуктаў з карыснымі тлушчамі ў складзе, які асабліва важны для жаночага гарманальнага фону:
Алеі халоднага адціскання (акрамя сланечнікавага і кукурузнага).
Арэхі, насенне і пасты з іх (без тэрмічнай апрацоўкі і акрамя арахісу).
Авакада, але неабавязкова.
Яйкі з мяккім жаўтком.
Арганічнае топленае масла.
Слабасалёная рыба (селядзец маціяс і дзікі ласось).
Ікра.
Экспэрт прызнаецца, што часта сутыкацца з праблемай дэфіцыту карысных тлушчаў у прадстаўніц прыгожага полу, таму раіць уключыць іх у штодзённы рацыён.