18 жнiўня 2019, Нядзеля, 2:54
Мы ў адной лодцы
Рубрыкі

Байдэн абышоў Трампа ў апытанні пра выбары прэзідэнта ЗША ў 2020 годзе

2
Байдэн абышоў Трампа ў апытанні пра выбары прэзідэнта ЗША ў 2020 годзе
ДЖО БАЙДЭН

Кандыдат ад дэмакратаў апярэджвае дзейнага прэзідэнта на восем адсоткаў.

Былы віцэ-прэзідэнт ЗША Джо Байдэн апярэдзіў бы дзейнага амерыканскага лідара Дональда Трампа на 8 працэнтных пунктаў на прэзідэнцкіх выбарах, калі б яны праводзіліся цяпер. Пра гэта сведчаць звесткі апытання SurveyUSA, паведамляе РБК.

Так, паводле вынікаў апытання, дэмакрата Байдэна падтрымліваюць 50% патэнцыйных выбарцаў, тады як рэспубліканцу Трампу свае галасы аддалі б толькі 42%. Акрамя таго, Трампа з 50% апярэдзіў бы і сенатар-дэмакрат Берні Сандэрс. Апытанне праводзілася з 1 да 5 жніўня, адразу ж пасля другіх дэбатаў прэтэндэнтаў на права стаць кандыдатамі партыі на выбарах дэмакратаў у Дэтройце (штат Мічыган), піша Newsweek.

Паводле вынікаў апытання сярод жанчын былая віцэ-прэм'ерка апярэджвае Трампа на 24 балы, а Сандэрс - на 20.

Сярод пратэстантаў Трамп перамагае Сандэрса на 17 балаў і Байдэна на 15 працэнтных пунктаў (п.п.), у эвангелічных сем'ях Трамп таксама апярэджвае Сандэрса на 21 бал і Байдэна на 19 п.п.

У сем'ях, дзе адзін ці больш сямейнікаў з'яўляюцца дзейснымі вайскоўцамі ці ветэранамі, Трамп апярэджвае Сандэрса на 14 балаў і Байдэна на 13. Сярод сем'яў з самотным бацькам ці маці Сандэрс апярэджвае Трампа на 25 балаў, а Байдэн - на 22.

Джо Байдэн уважаецца адным з ключавых прэтэндэнтаў на вылучэнне кандыдатам у прэзідэнты ад Дэмакратычнай партыі. Прэзідэнцкія выбары ў ЗША адбудуцца ў лістападзе 2020 года. У канцы красавіка Байдэн абыходзіў Трампа ў папулярнасці на 6%.