Нямеччына выступіла супраць вяртання да фармату G8 з удзелам Расеі
19- 21.08.2019, 15:32
- 14,187
Абодва фактары, праз якія выключылі РФ, захоўваюцца.
Нямецкі ўрад выступіў супраць ідэі вяртання Расеі ў лік дзяржаў «Вялікай сямёркі».
Пра гэта заявіў спікер нямецкага ўрада Штэфен Зайберт, паведамляе «Европейская правда» са спасылкай на Reuters.
Ён нагадаў, што Расею выключылі з групы найбольш развітых эканомік свету за анэксію Крыма ў парушэнне міжнароднага права і дэстабілізацыю ўсходняй Украіны.
«Абедзве сітуацыі захоўваюцца», - сказаў Зайберт.
З ягоных слоў, як толькі ў гэтым кірунку будуць нейкія змены, можна будзе абмяркоўваць большае ўцягванне Расеі.
У аўторак прэзідэнт ЗША заявіў, што ён бы падтрымаў вяртанне Расеі да групы краін з найбольш развітой эканомікай, калі б была выказаная такая прапанова.
Падчас сустрэчы Макрона і Пуціна ў панядзелак прэзідэнт Францыі заявіў, што вяртанне да фармату G8 і «рэанімацыя» стасункаў паміж Расеяй і ЕЗ залежыць ад прагрэсу ва ўрэгуляванні «ўкраінскага крызісу».