Расейскі абаронны гігант будзе рамантаваць беларускія ракеты
8- 28.08.2019, 18:29
- 10,177
«Алмаз-Антэй» правядзе рамонт ракет для беларускіх С-300.
Расейскае АТ «Канцэрн ВКА «Алмаз-Антэй» і Міністэрства абароны Беларусі заключылі на авіясалоне «МАКС-2019» кантракты на рамонт раней пастаўленых Менску кіраваных ракет для зенітных ракетных сістэм С-300, а таксама паслягарантыйнае сэрвіснае абслугоўванне зенітных ракетных комплексаў «Тор-м2К» . Пра гэта піша Interfax.by.
З боку Міністэрства абароны Беларусі дакумент падпісаў намеснік начальніка штаба ўзбраення Аляксандр Шаўчэнка, ад АТ «Канцэрн ВКА «Алмаз-Антэй» - намеснік генеральнага дырэктара ў знешнеэканамічнай дзейнасці Вячаслаў Дзіркалн, паведамілі Інтэрфаксу ў сераду ў прэс-службе канцэрна.
«Гэта пагадненне з'яўляецца для нас важнай вяхой у сферы супрацоўніцтва з Міністэрствам абароны Рэспублікі Беларусь», - сказаў Дзіркалн. З ягоных слоў, кантракт заключаны па лініі міжнароднай дамовы пра развіццё вайскова-тэхнічнага супрацоўніцтва.
Нагадаем, што С-300 - сістэма супрацьпаветранай абароны далёкага дзеяння. «Тор-м2К» - комплексы СПА малой далёкасці.