Расейскі бамбавік парушыў паветраную прастору Эстоніі

МЗС Эстоніі ўручыла ноту расейскаму амбасадару.

Расейскі бамбавік Су-34 увечары 23 верасня без дазволу ўвайшоў у паветраную прастору Эстоніі.

Пра гэта паведамляе «Европейская правда» са спасылкай на партал ERR.

Самалёт знаходзіўся ў паветранай прасторы Эстоніі менш за хвіліну.

У Су-34 быў выключаны транспондэр, палётны план прадстаўлены не быў.

Самалёт не ўступаў у радыёкантакт з дыспетчарскімі службамі Эстоніі.

У сувязі з інцыдэнтам у МЗС Эстоніі выклікалі расейскага пасла, якому была ўручаная адпаведная нота.