Мянчук падрабіў дакументы для ваенкамата, каб не хваляваць маму

Хлопец даслаў маме падробленую даведку пра вучобу ў расейскай ВНУ.

Хлопец даслаў маме даведку аб тым, што вучыцца ў расейскай ВНУ, і папрасіў перадаць у ваенкамат. Высветлілася, што дакумент ён купіў, каб не хваляваць маму. Падрабязнасці паведамляе ГУУС Менгарвыканкама.

Увесну па месцы рэгістрацыі 26-гадовага хлопца прыйшла позва ў ваенкамат. Ён ужо некалькі гадоў жыў у Расеі, таму заказны ліст атрымала яго маці. Маладзён выслаў даведку, што вучыцца ў прэстыжнай расейскай ВНУ, і папрасіў перадаць у ваенкамат.

Супрацоўнікі раённага камісарыята западозрылі падробку і высветлілі, што мянчук не вучыцца ў расейскай ВНУ. Тады ім зацікавілася міліцыя.

Хлопец растлумачыў аператыўнікам, што не хацеў хваляваць маці, таму перадаў падробленую даведку пра вучобу, якую замовіў у інтэрнэце.

Цяпер ён пад падпіскай аб належных паводзінах. Матэрыялы праверкі перадалі ў Цэнтральны (Менска) РАСК, дзе дзеянням хлопца дадуць прававую ацэнку.

За выраб, выкарыстанне падробленых дакументаў прадугледжаная пакаранне паводле ч. 1 арт. 380 Крымінальнага кодэкса Рэспублікі Беларусь. Санкцыя гэтай частцы артыкула прадугледжвае пакаранне - грамадскія працы, або штраф, або папраўчыя работы на тэрмін да двух гадоў, або арышт, або абмежаванне волі на тэрмін да двух гадоў.